سليمان خان سنورينه و ارنجه برو طرفك سنورى حدودينه قيد اولنوب بعض منازع - فيه محل لرخصوصنده مشار اليه جد اعلا مزدن قالوب بالفعل بغداد حاكمى هلو خان جد مشار اليه مز زماننده آستانهء سعادت مزك محكوم و فرمان بردارى اولملريله برقرار سابق مراجعت و متابعت لرينه اوته طرف دن من بعد منع و دفع واقع اولميه و مزبور انك اللرنده سلطان سليمان سنورينه داخل نه دكلو قلاع و مملكت لر وار ايسه كه
عَلى حِينِ غَفْلَةٍ مِنْ أَهْلِها
« 1 » ضبط ايتمش اوله لر اولمقوله لرك اللرندن انتزاعى ايچون اوزر لرينه آدم كوندر لمك اقتضا ايلدكده من بعد اوته طرف دن ممانعت و مدافعت و انلره معاونت و مظاهرت كوسترلميه و قديمى آستانهء سعادت مزه اخلاص و اختصاص اوزره اولان شمخال و ساير طاغستان حاكم لرينك ايل و مملكت لرينه و كندو لرينه ضرر و گزند ايرشد يرلميه واقع اولان محاربه لرده النان اگر سابق ده و اگر لاحق ده بالفعل ايكى جانب دن دخى نمقدار آدم وار ايسه بلا توقف اجازت و يريلوب مكان مألوف لرينه روانه اولنه و هر سال سدهء سدره مثال مزه سابق ده ذكر اولنديغى اوزره ارسالى معهود و مشروط اولان يوزيوك حرير بهاسنه موازى و مساوى حرير و اقمشه و امتعه على طريق الهدايا وقت و زمانيله ارسال و ايصال اولنه مادام كه انلر بو عهد و قراردن تجاوز و انحراف كوستر ميوب اصول و اركان مصالحهيى و قول و شرايط معهودهيى كركى كبى رعايت ايدوب كند و لردن و سرحد لرى حاكم لرندن و سائر كند و لره منسوب اولنلردن نقض عهدى مشعر و صلح و صلاحه مغاير بر وضع صادر و با در اولميه طرف همايون مزدن دخى من بعد بو عهدنامهء همايون مزده شرح و بيان و تفصيل و عيان اولنان شرايط و عهوددن عدول و نكول واقع اولميوب . من بعد وزراى عظام و وكلاى فخام مزدن و سرحد لرمز حاكم لرندن و سائر منتسبان سدهء سعادت مآب مزدن بوجه من الوجوه انكرك ايل و مملكت لرينه دخل و تعرّض اولنميه .
هامش
( 1 ) - القصص 15