ايدن فرمانده عجم يگانهء خسروان عالى شيم ، دولت اساس ، صداقت لباس سعادت اقتباس ، همنام عم اكرم خير الناس ، شاه عباس ، دام مراعيا لمراسم الاستيناس ، طرفندن ايلچى كاردان لرى فخر الامراء ذخر الكبراء يادگار على سلطان خلفا دام فى منهج الرشد و الهدى يدندن حضور همايون مزه و اصل اولوب . عهدنامه لرى نظر التفات مزه قرين و عين عنايت مزه رهين قيلنوب شرف مطالعه مزله مشرف و مستسعد اولدقده مضموننده درج اولنمش كه سابقا سفر همايون مده سردار مز و بالفعل سدهء سعادت مزده وزير ثانى مز اولوب مقدما امر مصالحه يه مأمور اولان دستور مكرم مشير مفخم خليل پاشا ادام اللّه تعالى اجلاله صلح و صلاح امورينى سويلشد كلرنده جد امجد بزرگوارمز مرحوم و مغفور له سلطان سليمان خان عليه الرحمة و الغفران زماننده واقع اولان صلح و صلاح اثرى اوزره قرار ويريلوب اول مصالحهء قديمه ده سنور و حدود هر نه محلده تعيين اولنمش ايسه بو صلح جديد ده دخى كما كان اول سنور و حدود مقرر و معتبر اولوب بوبابده هيچ احد چون و چرا ايتميه انجق تغاير و تفاوت يوقدر اوله كه اخسقه ايالتى توابعى له بروطرفك تصرفنده قالوب اكابدل بغداد سرحدنده بالفعل كند و تصرف لرنده اولان يرلرده و همين ودرنه و در تنك سنجاق لرنده قديمى كند و قرا و نواحى سندن معدود اولان محل لر مواضعى له كندولره قاله هركاه كه بو وجهله قرار ويريلان صلح در دولت ده مقبول طوتيلوب وزير مشار اليهك قول و قرارى موجبنجه آستانهء سعادت دن عهدنامهء شريفه احسان اولنه ديو يازيلان نامهء نامى لرنده بنكه خاك آستانهء خير - البشر غلام با اخلاص امير المؤمنين حيدر شاه عباسم تعهد و تقبل ايتدمكه قيمتده يوزيوك حرير بها سنه معادل و مساوى اوله جق هداياى مقررهيى كه بعضيسى كير و بقيه حرير و ما عداسى اقمشه و امتعه اوله هر سال على الاتصال عهدنامهء مطلوبه ده تحرير اولند يعنى وجهله سدهء سدره مثال صوبنه ارسال و ايصال ايدم ديو تصريح و انها و بو منوال اوزره عهدنامهء همايون مز ويرلمسن تمنا و استدعا ايتدكلرى اجلدن بنكه خادم الحرمين الشرفين حافظ شريعت رسول الثقلين ، ثانى اسكندر ذوالقرنين ، سلطان البرّين و البحرين خاقان الشرقين و الغربين سمى جد الامجد
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى ) — صفحة 186
مساهمون: عبد الحسين نوائى
ص١٨٦