مشروط و معهود اولان محل لردن هربريسى بلا تراخى ال چكوب بغداد حاكمى طرفندن تعيين و ارسال اولنان قوللرمزه تسليمه شتاب و تكرار ما بينده مورث شك و گمان اوله جق اوضاعدن احتياط و اجتناب ايتملريچون لايق اولان مرتبه تأكيد ده بذل اهتمام و سررشتهء عهد وثيق محافظه سى كردن سعى و اقدام لرينه الزام اولنه تا كه ما بينده يوما فيوما موادّ حب و و داد ازدياد و زمان يك جهتى و اتحاد الى غير النهاية امتداد بوله ذكر اولنان سنور و حدود احوالى كه صلح صلاح اثرك - ركن اعظمى و مهمات مصالحه نك اهم و اقدمدر عهدنامهء همايون مزده تعيين و تصريح اولنان وجه اوزره اتمام بولمسيچون و سائر بقيه و تتمهء امور معاهده على الوجه المعهود وجوده كلوب فيصل ويرلمسيچون امكداران سدهء سعادت مدار و معتمدان باب فلك اقتدار مزدن بر متعين آدم تعيين اولنوب بروجه رسالت ارسال و شرايط معاهده كما هو اللايق اكمال قيلنمق مقتضيات مصالح مصالحه و آشتى و متفرعات عقد محبت و دوستى دن اولمغين قديمى آستانهء سعادت مز امكدارو كار - گذار لرندن افتخار الاماجد و الاكارم ، جامع المحامد و المكارم ، المختص بمزيد عناية الملك الدائم سابقا ، چاوش باشيلغمز ، خدمتنده اولان ابراهيم دام مجده على طريق الرّسالة تعيين و ارسال و روانهء صوب سعادت اشتمال قيلندى . ان شاء اللّه تعالى وصولى ميسّر و التفات يافتهء پرتو حسن نظر اولدقده ذكر اولنان سنور و حدود احوالى على الوجه الكامل تقديم و تتميم و بغداد و شهرزور طرفندن برو جانبه تخليه و تسليمى سر رشتهء عهد قويم قيلنسان قلاع و مملكت على الرسم المعهود تخليه و تسليم اولنوب جملهء امور سنور و حدوده فيصل و يرلد كدنصكره سدهء سدره مثال مزطرفنه رخصت انصرافنه همت و قرين التفات حسن اجازت قيلنه سابق الذكر ايلچى پيامآور و رسول نيكو سير لرى دخى خدمات رسالتى تكميل و مراسم حسن آداب رعايتنده بذل سعى جميل ايدوب . لازمهء الطاف واسعة الاكناف مز و قاعدهء اسلاف كرم اتصاف مز اولديغى وجه اوزره مزيد نوازش و التفات مزه مظهر و
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى ) — صفحة 175
مساهمون: عبد الحسين نوائى
ص١٧٥