فِي الْأَرْضِ أَقامُوا الصَّلاةَ وَ آتَوُا الزَّكاةَ وَ أَمَرُوا بِالْمَعْرُوفِ وَ نَهَوْا عَنِ الْمُنْكَرِ
طريقنه مسير اولمامزى مقدر ايليه .
مثنوى
بود كامم از شاهى و سرورى * رعيت پناهى و دين پرورى
به احسان كنم خاطر خلق شاد * جهان يك سر آباد دارم به داد
غب هذا ترك مقدمات شروع و سمت اصل مقصوده عودت و رجوع قلنمنك خلاصهء مآلى بودر كه بالا ده ذكر اولندوغى اوزره ما حصل مضمون نامهء اخلاص رهينلرى و خلاصة الفحواى كلام دلنشين لرى اولان صلح صلاح اثر كه اولوبتى جمهور امم قتنده مثبت و مقرّر و قديمى عادت مرضيهء سلاطين معدلت گستر در مشاوره و مذاكره اولنمق ايچون كارآگاهان دولت عليهء روز افزون اولان جمهور وزراى عظام مزه و خيرخواهان سلطنت جليهء ابد مقرون اولان صدور علماء كرام مزه اشارت اولندقده هربرى استراحت رعايا سمتنى ترجيح و اصلاح ذات البين باعث فوز و فلاح نشأتين ايدوكين تصريح ايدوب دلائل عقليه و نقليه ايله رجحانى جهتنى اثبات و صواب ديد رأى ملك آرا لرينى تأييد ايچون بسط كلمات حكمت آيات ايتد كلرندن ما عدا جناب صداقت مآب سعادت انتسابلرى بو خصوصك حصولى با بنده اقصى الغاية جدّ و اهتمام لرين اظهار و خاندان ابد بنيان مزه ارتباط واديسنده بذل مساعى جميلهء بىشمار ايدوب مقدما والد ماجد فردوس مكان و عليين آشيان مززماننده بالدّفعات ارسال رسل و رسايل ايله طريق مصالحهيى مراد وفوق الغاية بذل سعى و اجتهاد ايتدكلرى قرع سمع همايونمز اولمشيدى . حالا زمان دولت اقتران مزده دخى تكرار بوسمت معقوله مداومت وفوق ما كان اهتمام و دقت كوستر - دكلرى اثبات خلوص محبت لرينه شاهدين عادلين و انتاج صدق طويت لرينه مقدّمتين مسلمّتين اولوب بو وضع محبت اقتضا لرى قلب صاف انصاف اتصاف مزده جايگير و بو دوستانه معامله لرى علت تامهء حسن توجه مزه جزء اخير اولمغله