تبركا بذكر اللّه الملك الاعلى و تيمنا باسم حبيبه المصطفى طريق صلح و صلاحه وضع قدم رضا و حجت مصالحهء عديم الانقضا رقم حسن قبول مزله امضا اولنوب طرف قرين الشرف مزدن مستقلا عهدنامهء همايونمز تسطير و قصر بىقصور معاهده مجددا معمارى دست توجه مزله تعمير قيلنمشدر آيين قديم عثمانى ده حسن معامله طريقى منسدّ و آستانه لرينه طوغرى كلنلر شايستهء دست رد اولمامشدر . بنيان عهد و پيمان لرنده گنجايش تزلزل محال و اركان و عدو ايمان لرنده شائبهء تبدل مسلوب الاحتمال در . مادام كه طرف آخردن باعث انحلال عهد و پيوند و موجب اختلال وعد و سوگند اوله جق صلح و صلاحه مغاير بر كار نادر صادر اولميه به غير موجب دروازهء شور و شرى باز و معاملهء باژگونه يه شروع و آغاز ايلمك خلاف مذهب و ضدّ مشرب لرى در .
فلهذا نيت خالصه و عزيمت صادقهء مزبوره نك اوزرينه قرار بولمشدر كه باذن اللّه تعالى عهدنامهء همايون مزده استحكام و سلك قبول مزده انتظام تام ويريلان جوهر خير اثر مصالحه نك شرايط و احكامنه مناقض و معارض اوته طرف دن بر وضع غير مأمول حادث و عارض اولمدقجه من بعد جانب همايون مزدن و وزراء عظاممز و حكام مز طرفندن عهد مزبوره خلل و نقصان ويره جك بر حالت صدور و عروض ايتميه بوبابده حافظان سرحد ممالك محروسه مز اولان وزراى ملك آرا مزه و سائر حكام و امرا مزه اوامر جليلهء جهان مطاع مزله تنبيه و تهديد و انواع تخويف و تاكيد اولنمشدر كه هربرى مأمور اولدقلرى سرحد محافظه سنه تقيد و سدّ ابواب تجاوز و تعند ايدوب تعيين اولنان سنوردن طشره وضع قدم و پذيرفتهء صورت انتظام اولان امور مصالحهيى مشوش و درهم ايتميه لر كذلك جانب جناب صداقت مآب لرندن دخى بو خصوص قرب ممالك محروسه مزده واقع اولان سرحدنشين لرينه و حاكم لرينه تنبيه اولنوب بغداد و شهر زورسمت جد بزرگوار مز سلطان سليمان خان عليه الرحمة و الغفران سنورى ايله محدود و عهدنامهء همايون مزده بر و طرفه تسليمى
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى ) — صفحة 174
مساهمون: عبد الحسين نوائى
ص١٧٤