و سوابق ايام دن الى هذا الان حاميان حومهء مسلمانى و جالسان سرير گيتى ستانى اولان پادشاهان كريم الشان عثمانى خيرخواهان دولت عليه لرينه دائما فتح ابواب بهجت و شادمانى و بذل اسباب آمال و امانى ايده كلوب باب عدالت عنوان لرى هر آن
ادْخُلُوها بِسَلامٍ آمِنِينَ
« 1 » دن نشان و جناب مكارم بنيانلرى مدام
وَ مَنْ دَخَلَهُ كانَ آمِناً
« 2 » فحو اسنجه مژدهء امن و امان و يرمكله پادشاهان گردون جناب سدهء دولت مآب لرينه انتسابه شتاب و شرف اختصاص لريله هربرى سرمايهء علوّ منزلت اكتساب ايده كلمشلردر .
الحالة هذه ، سوق تقدير ايزد متعال و حكم بىتغيير مالك الملك ذو الجلال ايله سرير عالم مصير سرورى و تخت فيروز بخت پدرى ذات باهر البركات مزله شرفياب و آستان احسان رسان مز كام بخشاى هر شيخ و شاب اولدقده اقصاى ممالك بحر و بر و منتهاى مسالك خشك و ترده نام آور اولان قياصرهء زمان و اكاسرهء دوران عادت مألوفه و قاعدهء معروفه لرى اوزره معتبر و نامدار ايلچيلرين كوندروب اظهار كمال اختصاص و عرض نهايت اخلاص ايدوب شاهراه حسن موافقتده ثابت الاقدام و پاى اقدام و اهتمام ايله رهبر وادى استيمان و استسلام اولدقلرى جهتدن هربرينه حول حريم امن و امان مزده جا و مسند و ديوان مكرمت عنوان مزدن اللرينه وثيقه و سند ويريلوب انلردخى خلوص تام ايله حسن موافقتى التزام و دست توقع و اهتمام ايله حبل المتين لطف و احسان مزه اعتصام ايتمشلر در چونكه منتهاى همت - مز ترفيه احوال عباده مصروف و قصواى امنيت مزاعانت مظلوم و اغاثت ملهوف در جناب ولى الامداد تعالى شانه در گاهندن اعز مسئول مزبودر كه جملهء اوضاع و اطوارمزى رضاء شريفنه اولدوغمز احكام كليه و جزئيه ادا سنده عدل ساعة خير من عبادة سبعين سنة مسلكنه سلوكمزى ميسر و آيت كريمهء
الَّذِينَ إِنْ مَكَّنَّاهُمْ
« 3 »
هامش
( 1 ) - سورة الحجر 46 .
( 2 ) - آل عمران 97 .
( 3 ) - سورة الحج 41 .