عداوت اولنمغله رياض و داده اشجار حسن اتحاد يرينه تولد خلاف ايدوب فريضهء جهادى اكمالده يرير اشغال و نايرهء جنگ و جدالى طرف شرق ده مجددا اشعاله باعث اولنلر .
نامهء ناميكزده مذكور اولدوغى اوزره و باله مظهر اولوب نيجه ممالك و مسالك سم ستور عساكر غير محصور ايله پامال و اراقهء دما و نساو رجال منتج سوء حال اولدى .
و الحالة هذه رهنمونى اقبال و بدرقهء طالع خجسته فال ايله ينه اذيال صلح قديمه توسل
وَ أَصْلِحُوا ذاتَ بَيْنِكُمْ
« 1 » مصداقى اولان اصلاح ذات البين ايله صلاح حال رعايا و رفاه احوال برايا ايچون حسن تعامل اولنوب سيادت پناه افادت دستگاه صدر وسيع الصدريكز و خان بلند اقتداريكز ، قاضى خان صداقت نشان ، وساطتيله پيشگاه درگاه معلامزه صفاى درونى راوى و شمدى يه دكين سنوح ايدن احوال دن اعتذارى حاوى نامهء ناميكز و ملاطفهء گراميكز و اصل و مضمون صفا نموننه اطلاع كامل حاصل اولوب . كلام لازم التبجيل ايله باب اعتذارى باز و هواى بسط و ايجاز ده پرواز اولنوب . من بعد اوله جق صلح و صلاح طالبان فوز و فلاح اولان اركان سعادت قرين و عالمان دين و خير انديشان عاقبت بين عقوديله معقود و اطناب و داد اوتاد ايله خلوده مشدود اولوب ابواب فساد بالكليه مسدود و جبههء الفت دن وجوه خلاف دست ردّ ايله مردود اولوب . سالف الذكر و مشار اليه بالبنان اولان جدا مجد مزجنت مكان فردوس آشيان سلطان سليمان خان حضرت لريله جد بزرگوار - كزمياننده بسته و نيجه مال و منال صرفيله على الاتصال عماد اعتماده پيوسته اولان محبت و دوستى و سرحد نشينان طرفندن ظهور ايدن راستى ينه مقرر قيلنوب بوصلح همايون و صلاح ميمون ابد الاباد باقى و حكام سرحد جانبين اسباب نبردى ما بينندن كتوروب حسن تدبير ايله هميشه بوعقدى وافى بيلوب دفع شقاقه تشمير ساق ايتملرى
هامش
( 1 ) - سورة الانفال 1 .