خاقانى اهداسيله انهاء مسالمت انتما و انباء مصادقت نما اولنور كه رب الارباب و مسبب الاسباب اولان حضرت حق و فياض مطلق تعالى كبرياؤه و توالى آلاؤه هر عصر ده بر عبدين تأييد مبانى دين متين و تمهيد قواعد شرع مبين ايتمكه موفق ايدوب اشاعت آيين دين احمدى و ادامت قوانين محمدى على صاحبها السلام السرمدى ايتمكيجون بر بنده سن اختيار و اول خدمت عالى نهمت ايله سر عزت مدارين لايق افسر افتخار ايدوب شمشير جهانگيرى ايله مداين و امصارى فتح و تسخير و تنوير راى صاحب تدبيريله كفار فجارى تدمير ايدوب . آباء و داد اعتياد و اجداد امجاد مزى زادهم اللّه تعالى ثوابا و اجرا بوسنت و شيوهء بهيهيى اجرا ايتمك ايچون قرين نگين سلطانى و مكين شهنشين خاقانى ايليوب جل اوقات عليه و كل ساعات سنيه لرى غزا و جهاده مصروف و عنان همت عالى نهمت لرين اول صوب با صوابه معطوف ايدوب حسنات آثار لرى صحايف روزگار ده طبق زرنگار ليل و نهار اوزره مسطور نام نامى لرى و اسامى سامى لرى الى انقراض الدهور خيرات جليله و مبرات جميله لريله مذكور اولوب . سدثغور دين بو خاندان دولت مكين سلاطينه نكين اولوب .
انظار راى انور لرى اطفاء نائرهء ابصار بداختر اولوب طرف آخر ايله اشتغال بومهم لازم الاكمالدن اشغال ايتمكله جنت مكان فردوس آشيان سمى جليل البرهان حضرت سليمان ( ع ) اولان جدّ امجد بزرگوارم سلطان سليمان خان ، صبّ على مرقده سجال الغفران ، لمصلحة جانب صلح و صلاح دن مجانب اولميوب جد دوربين با انتباهكز اولان طهماسب شاه دخى هازمان عندهء عبدهء اصنام اولان غزاة اسلام مثو - باتندن حصه دار اولمق اميديله استحكام صلح و صلاحه حسن همت كوستر مشيدى و نوبت خلافت خداوند جنت معاد سعادت استناد ، جد امجد مز سلطان مراد غزا اعتياد ، صب عليه سجال الرحمة الى يوم التناد ، حضرتنه منتهى و خاندان شهى وجود طهماسب شاه دن تهى اولدقده شاه اسمعيل ثانى مبانى امن و امانى هدم ايليوب صواب ديد مدبّران عاقبت انديش ايله منعقد اولان صلح و صلاحى راى سخيف مدبران عاقبت برگشته ايله عقدهء تشويشه براغوب عسكر با كر و فرّك جانب شرقه
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى ) — صفحة 101
مساهمون: عبد الحسين نوائى
ص١٠١