اميد در كه انواع فتوحات جميله يه مظهر و اعداى دين اوزره منصور و مظفر اوله لر .
نصرت نگار لوح جبينش به كلك صنع * بادا هميشه دست خدا درگه مصاف « 1 »
بو تقديرجه ترصد اولنان بودر كه توجه قلب صفوت آيين لرين همراه غزاة مسلمين و دعاى خير اجابت رهينلرين رفيق كماة موحّدين بيوره لرمومى اليه نجف - قولى بيك بنده لرى اگر چه سرمايهء نامهء پادشاهيدن تهى دست ايدى لكن اول طرفه انتسابى جهتى سبب اعتبار و شرف خاك بوسى پايهء سرير اعلى يه مدار اولمغله تقبيل بساط عزّت انبساط خداوندگارى يه و اصل اولد قد نصكره متوجه صوب با صواب و روانهء جناب نعم المآب قيلنمشدر .
فى ما بعد دخى توقع و ترصد اولنان بودر كه ما بينده ازدياد مواد و داده بادى و باعث مخذولى جملهء حساد و اعادى اوله جق اعمال و آثار حسنه وجوده كله سنور و حدود احوالنه نامزد اولان سالف الذكر ابراهيم آغا بنده لرى دخى منظور نظر التفات لرى اولوب محل و زمانى ايله سدّهء سعادت طرفنه توجه و عزيمت و عودت ايتمنه بذل همت بيوريله .
هميشه مفتاح حسن تدبير لريله ابواب مهمات ملك آرايى گشاده و مصباح راى عالم گير لريله فروغ مجلس الفت و آشنايى ضيا داده اولوب باعث انتظام احوال آدميان و موجب نظام و آسايش عالميان اولمقدن خالى اولميه لر . بالنبى و آله الكرام و اصحاب العظام « 2 » .
هامش
( 1 ) - تصحيح قياسى . متن : دست جدا در رزم مصاف
( 2 ) - منشآت فريدون بيك ج 2 ص 283 - 281