نجف قولى بك زيدر شده وساطتيله ايصال بيوريلان كتاب بلاغت عنوان و خطاب سعادت بنيان لرى اسعداوان ده و سوق تقدير خداى مستعان و ارادت و مشيت ذى - الجود و الاحسان ايله بو خالص الجنان لرينه وصول بولمق ميسّر و نفايس كلمات لطيفه سندن چاشنى لذت المق بو عزت جوى خلوص خوى لرينه نصيب و مقدّر اولوب .
غرهء غرّاى مطلعندن مقصد اقصاى مقطعنه و ارنجه نظر دقت ايله مطالعه اولندقده فحواى عزت احتواسنه مشمول و موضوع مطبوعنه محمول واقع اولان عامهء احوال و آثار دوستلق و محبّت كلامنى اشعار و آستان سعادت آشيان خداوندگارى يه اولان خلوص و و داد اتحادى اخبار ايتمكله بوجانبدن دخى شرايط مهر و محبت و لوازم دوستى و الفت رعايتنه كما ينبغى دقّت و ذمت مزه لازم كلان خير خواهلق مراسمنك اتمامنده خلوص طويت اوزره عزيمت اولنمشدر بو دولت عليه ايله الى الان دوستانه معامله يه آغاز و ما بينده ابواب وفاق و اتفاق گشاده و بازايدن پادشاهان لازم الاعزازك دوستلغنه متعلق امورده صرف اقدام و صيانت محبت طرفينه بذل اهتمام ايتمك آئين قديم كارگذاران خاندان عثمانى و قانون قويم مهم پردازان خاقانى اولمغين بو مخلص و لا جويلرى دخى سلف مز اولان وزراى آصف راى و وكلاى ملك آرانك اثر لرينه اتفاق ايتمكى اولى و احرى و موافق رضاى حق جل و علا بيلوب - مقدما سدّهء سنيهء سما سيماده عظام و وزراء كرام علماى سعادت اهتدا مشاوره - لرى و ايلچى كاردان لرى على سلطان خلفا معرفتيله وجوده كلان صلح قرار داده - نك ابقا سنه ساعى و مراسم ود و الفتى كما هو حقه راعى اولدوغمز .
اميد در كه معلوم علم عالم آرا لرى و مفهوم طبع عقده گشا لرى اوله بو تقديرجه دولت مؤسس البنيان شاهى و محبت ثابت الاركان گيتى پناهى يه سزا و احرى بوفهم اولنور كه بو امر مشروع فيه عهود و شروط مقرده يه موافق و ما بينده قرار ويريلان دوستلق و محبته لايق و رضاى خاطر فيض مآثر پادشاهى يه مطابق وجه اوزره اتمام و اختتامه ايرشدريلوب عهدنامهء همايون ده برو جانبه تسليم و
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى ) — صفحة 200
مساهمون: عبد الحسين نوائى
ص٢٠٠