چلدر كبى پايگاه خوك اكارجه اولان محقّر موضع خاطريچون حقوق سابقهيى اونتمق اول جهاندار حقيقت شعار حضرت لرينك خيرخواهان دولت لرندن اوميله جق وضع و مدبران ملك و سلطنت لرندن مأمول اوله جق حالت دكل ايدى مقدما بو مخلص و لا جوى لرى ابتداى صدارت عظمى خدمتنه مباشرت ايتدكده خير - خواهلتمزه لايق اولان وجه اوزره بوخصوصى مفصل و مشروح سلك تحريره كتوروب حقيقت حال نه ايسه قبل الوقوع حضور عالى لرينه انها اولنمشيدى و بو باب ده شهباز بلند پرواز رضاى پادشاهى ساعد دولت مساعد مراد لرينه نزول ايتمك مرتبه سىقوت قريبه يه كلمشيكن واهم مقصد و مرام و اتمّ مصالح و مهام بو عنقاء قاف استغنايى رام ايتمشيكن بو كارميمنت آثار خام و ناتمام قونيلوب مصلحت بر طرف اولمزدن مقدم و سنور و حدوده فيصل و يرلمزدن اول كچن سنه بالذات گرجستان سفرينه وارلمق و خاطر عاطر پادشاهى يه كران كله جك وضع اختيار اولنمق دعواى محبته منافى و مقدمات صالحه نك باعث اختلافى ايدوكى مكتوب مخالصت مصحوب ضمننده درج اولنمشيدى . على الخصوص بوندن اقدم ايلچيلك خدمتى له سدهء سدره مثاله يوز سورن صدر العلماء العظام قاضى خان داعى لريله كوندر - دو كمز مكتوب مخالصت مصحوب ده خود كشف استار اسرار اولنوب اصلا خفى و مستور برنسنه قونلميوب بونك تلافى مافاتنه نه طريق له امكان وار ايسه بذل اهتمام اولنه ديو تلميح و اشارت اولنمشيكن مشار اليه ابراهيم بك وساطتى ايله مومى اليه داعى لرى طرفندن بو مخلص لرينه وارد اولان مكتوبده كيرو سرنامهء اصل نزاع و سلسلهء محبته باعث انقطاع اولان آخسقه احوالى ابتدا يازيلان دن زياده تأكيدات شديده ايله ايراد و اثبات مدّعى ايچون دلايل قويه تداركنه فوق - الغاية اجتهاد ايتمشلر و بوجانبك سؤال لرينه على طريق المعارضه كير و كند و سؤال مزله جواب و يرمشلر و آخسقه كبى محل مختفى و جاى محقرّ ايچون بر عظيم الشأن پادشاه ايله اولان صلحه خلل ويرلمك جائز ميدر ديو باز دوغمز سؤالى بعينه بوجانبه ايراد ايدوب بو تقديرجه سزك طرفكزدن تعجب بو معنى ملاحظه اولنميه
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى ) — صفحة 118
مساهمون: عبد الحسين نوائى
ص١١٨