طريقيله ارسال ايلدو ككز طهماسب قولى سلطان زيد قدره يدندن نامه كز عزّ وصوله موصول اولدقده چهرهء شاهد مدّعا سندن كشف قناع اولنوب . مضمونى مقارن نظر همايون و مقابل مرآت خاطر عزت مشحون اولمشدى . ايمدى ذهن صاف و طبع انصاف اتصافه خفى و پوشيده و مستور و نور ديده اولميه كه مقدما طرفكزدن ايلچيلر ارسال اولنوب اصلاح ذات البين و صلاح نظام احوال طرفين مراد و رجا اولندقده ترفيه احوال خلايق و عباد و آسايش سكان بلاد ايچون صلحه رضا و يريلوب جدّ امجد بزرگوار مز اولوب داخل حرم جنان و و اصل روضهء رضوان اولان مرحوم و مغفور له سلطان سليمان خان ، عليه الرحمة و الغفران ، زمان لرنده اولان وجهله قطع حدود و سنوره قرار ويرلمكله آيين ملوك مرضية السلوك اوزره طرف باهر الشرف سلطنت عليه مزدن دستور العمل شروط و عهود لازمهيى مشتمل مشروح و مفصل عهدنامهء صدق مشمول احسان اولنوب امر مصالحه صوب اتمام و سمت اختتام بولوب . حاكمان بلاد معموره و محافظان سرحد منصوره مزطرف لرندن نقض عهدى مشعر ولايتكزه تعرض اولنما مشيكن پيرامن گلشن ممالكمزده بر قاچ كرم شبتاب هواى مخالفتده پروازه شتاب ايلد كده
مَنْ يَعْمَلْ سُوءاً يُجْزَ بِهِ
« 1 » فحواسنجه جزا و سزالرى ويرلمكه تصدى اولنمشيكن مقدما ممالك محروسه مزده ظهور ايليان جلالى اشقيا سنك عرق فسادلرى ادنى توجهله قطع اولنوب .
فَقُطِعَ دابِرُ الْقَوْمِ الَّذِينَ ظَلَمُوا
« 2 » مفهوم شريفى ظهورندن تغافل ايله فرصتكير لك ايدوب
وَ أَوْفُوا بِالْعَهْدِ إِنَّ الْعَهْدَ كانَ مَسْؤُلًا
« 3 » امر شريفنه مخالفتده اصرار صورى اظهار اولنمغين . حميت دينيه و غيرت ملوكانه مز مقتضا سنجه همت عليهء پادشاهانه مزدر كار اولوب . متوكلا على اللّه و متوسلا بالنّبى المجتبى ( ص ) و على آله و اصحابه ( رض ) تجهيز جيش
هامش
( 1 ) - سورة النساء 123
( 2 ) - الانعام 45
( 3 ) - الاسراء 34