طهران مناظرندن : بر پناير
Une Voire aTeheran
احرار ايرانك بونجه فداكار لقلر بهاسنه الده ايتدكلرى مشروطيته بتون قلب و روحيله دشمن اولان بعض الچقلر ، بواثناده اردبيلده شاهسوار عشيرتنى عصيان ايتديرديلر ، بونلر يكرمى بيك كشيلك بر اردو ايله طهران اوزرينه يوريه جك احرارى پريشان ايدرك محمد علىيى تكرار تخته اجلاس ايدهجك شايعهلرى ظهور ايتدى . بونك اوزرينه 1909 سنهسى تشرين ثانيسنده بونلرك عليهنه سوق اولنان بر احرار اردوسى اردبيلده عاصيلرى تارومار ايتدى .
مرتجعلردن رحيم خان دخى تحريكات و افساداتندن و از كچمك شويلهطورسون بالعكس بتون موجوديتيله بوكا حصر افكار و افعال ايتمكده اولمسى و اذربايجان جوارنده بتون خلقى خوف و خشيته القا ايتمسى اوزرينه لاجل التأديب يفرم خان قومانداسنده بر مفرزه سوق اولندى ، واقع اولان مصادمهده بو شرير بر دها كندينى طوپلايهميه جق بر صورتده قهر و تدمير ايديلدى .
يكديكرينى توالى ايدن موفقيات اوزرينه او تهده بروده تحدث ايدن وقايع مؤسفهده آزالدى ، سنه - لردنبرى راحت يوزى كورهميهن ايران ، آرتق بر آز نائل سعادت اولمق يولنى طوتدى . شمدى احوال بو مركزده دوام ايتمكده در .
بختياريلرك استحصال مشروطيت يولنده ابراز و ابذال ايتدكلرى طهران مناظرندن : برچارشو
Un bazar aTeheran .