ايران پارلمنتوسنك رسم كشادى مناظرندن
Ouverture solennelle du Parlement Persan .
ايرانيلر ايسه حسن آباده طوپلانوب مقاومته حاضر لنديلر . سفارتخانه مصلحتكذارى صدر الدين بك سفارتخانهيه التجا ايدنلرك استراحتى ايچون تدابير لازمهيه توسل ايتدى .
تموزك برنجى كونى احرار اردوسى شدتلى بر هجومله شهرك بعض اقسامنى اشغاله موفق اولدى . شهرده بولنان احرار و مجاهدين هجوم ايدنلره التحاق ايدوب ايكى ساعت ظرفنده شهرى ضبط ايتديلر . اقشام اوستى احرار اللرنده بايراقلر اولديغى حالده بنون سوقاقلرى كزهرك صوك درجهده بر خشيته دوچار اولان خلقى تطمين و تسكين ايتديلر . طهرانى ضبط ايدن احرار اردوسنك باشنده يفرم خان ايله صمصام السلطنه بولنويوردى .
وقوع بولان مصادمه اثناسنده احراردن بر سوارى و شاهك آدملرندن يكرمى بش كشى تلف اولدى . كيجه ساعت درت واده لرنده طوپ صدالرى طنين انداز اولمغه باشلادى شاهك عسكرلرى احرارى طهراندن قوغمق ايچون صوك بر تشبث اولمق اوزره طوپلر ايله هجومه قيام ايتمشلر ايدى . فرداسى كونى محمد على شاه احرار اردوسى قوماندانه بر هيئت اعزام ايدرك التى ساعت ظرفنده طهراندن چيقمدقلرى تقدير ده بتون شهرى طوپه طوته جغنى و اهالىيى قتل و تلفايده جكنى بيلديردى . بونك اوزرينه احرار تكرار هجومه باشلادى . نهايت محمد على شاه آرتق مقاومت ايدهميه جكنى حس ايدرك روس سفارتخانهسنه التجايه مجبور اولدى .
سپهدار ناصر السلطنه سر عسكر تعيين و اقشام پارلمنتونك رسم كشادى مناظرندن : مدخلك تزبيناتى
Entree du Parlement .