اولوب والده سندن آيرلمق ايستهميهرك اغلايوردى .
نهايت معلمى موسيو اسميرنوفه مراجعت و مشار اليهى اقناعه دعوت ايتديلر . معلم كوچك شاهى بيك مشكلاتله اقناع ايده بيلدى و بو معصوم ياور و جغك جلوسيله تخت ايران اولكهدن تطهير اولندى . .
طهران مناظرندن - امين السلطان كروانسرايى
Vue de Teheran - Emin - ul Sultan kervan - serai .
روسيه حكومتى محمد علىنك اقامتى ايچون موسقواده بر سراى تخصيص ايتديسهده او ، قريمده اقامتى ترجيح ايتمشدر .
يكى شاهه اسعد الملك وصى تعيين ايدلدى مشار اليه ايرانك اك حريتپرور ذواتندندر .
مؤخرا ظل السلطنه وصايتى اسعد الملكدن آلمق ايستدى ايسهده بعض اسباب خارجيهدن طولايى موفق اوله مامشدر .
محمد على شاهك خلعنى متعاقب طهرانده ادارهء عرفيه اعلان ايديلهرك بر چوق مستبد و مرتجعلر اعدام اولدى . بونلر مياننده مشهور شيخ فضل الله ، حاجى ميرزا ، على اكبر ، مجد الدوله ، غلام حسين خان كبى جبابرهده بولنيوردى . تموزك برنجى كونى ده صنيع حضرت ايله مفخر الدوله صلب ايدلديلر . محمد على شاهك خاصه اردوسى قوماندانى اولان روسيهلى جنرال لياخوف آرتق ايرانده ياشايهميه جغنى حس ايدرك روسيهيه فرار ايتدى .