غدار حكمدارلر ايچون البته يمينك ، عهد و پيمانك حكم و ثأثيرى يوقدر . چونكه يمين انجق پاك و نزيه وجدانلر اوزرنده اجراى تأثير ايدر . ايشته بونى مؤيد اولان احوالدندركه محمد على شاه برقاچ هفته صكره يمنندن نكول ايدرك تكرار مجلسه و ادارهء مشروطهيه قارشو اعلان خصومت ايتدى . بونك اوزرينه خلق بسبتون حدتلنوب مدهش بر عصيان و اختلال تكرار يوز كوسترمكه باشلادى . مرساى سلامته و اصل اولمق ايچون شاهك خلعندن قهر و تدميرندن بشقه چاره يوق فريادلرى تكرار طنين انداز اولمغه باشلادى .
كانون اولك اون بشنجى كونى محمد على شاه بتون جامعلرده خانث و خدعه كارلق تهمتيله اتهام ايديلهرك سراينه هجوم ايتمكه قرار و يريلدى ؛ فقط شاه ، روسيهنك معاونتنه مظهر اوله جغندن امين اولديغى ايچون بو كبى اتهامات و تعرضاته اهميب و يرميه جكنى علنا بيان و فرداسى كونى مجلس مبعوثان طرفندن سرايه صورت مخصوصهده اعزام قلنان هيئت اعضالرينى توقيف ايدرك سراينده حبس ايتدى . عين كونده باش وكيل ناصر الملكى دخى تحت توقيفه الديرهرق همان قتل ايدلمسنه امر ويرديسه ده انكلتره سفيرينك مداخلهء شديدهسى اوزرينه مشار اليه شاهك پنچهء قهرندن كريبانى تخليص ايدرك سفبرك دلالتى ايله اوروپايه فرار ايده بيلدى ؛ ارتق لواثناده مجلس مبعوثانك قپادلمسى شايعاتى يواشيواش دورانه باشلايور ، حالبو كه محمد على شاه بو روايات و شايعاتى تكذيب ايتدير ميوردى .
چونكه بريده روس مشاورلرى دائما متانت و فعاليت ، ثبات و مقاومت توصيه ايدوب هر حالده روسيهنك مظهر معاونتى اولهجغنه تأمين ايديورلردى . استبدادك مخصوصات و ايجاباتندن اولان بتون سيئات ، ظلم و اعتساف ايرانده تكرار باشلايور ، مستبدلر مدهش ييلانلر كبى اختفا كاهلرندن يواش ، يواش باشلرينى چيقار ييورلردى . احوال عموميهنك بو بحران شديدى اوزرينه مجاهدين حريت هر درلو تهلكهيه كوكس كروب مجلس مبعوثانى بالفعل تحت محافظهيه آلديلر ؛ دائمى اجتماعى اعلان ايتديلر .
محمد على شاه وقوع خلعدن قورقهرق مجلسك بعض مطالباتنى قبول ايتمكده مضطر قالدى بو قدرله اكتفا ايتمين مجاهدين سرايى محاصره ايتديلر ، مستبد و كلانك و سرايى تلويث ايدن غدار مشاورلرك طرد و تبعيدينى طلب و ارزولرى اسعاف اولنمديغى تقديرده سرايى بتون سكنهسيله برابر بر هوا ايده جكلرينى بيلدير ديلر ؛ ايكى كون صكره شاه روسيه و انكلتره سفير لرينك دلالت و تكليفى ايله مجلس مبعوثانه كيدهرك مشروطيتى محافظ ، ايدهجكنه دائر علنا تكرار يمين ايتمكه صيقلمدى . . .
عجبا بو دفعهده شاهك يميندن خانث اولميه جغنه اينانملى مىايدى ؟ خير ! . ذاتا متانت طبع و افكار اصحابى اولان احرارده بويمينك شاهك اوزرنده هيچ بر تأثيرى اولهميه جغنى قويا بيلدكلرى ايچون قوتلرينى ترصين و تقويهدن خالى قالمديلر . آرتق بتون ايرانده ارتجاع
دفتر تاريخ ( مجموعه اسناد و منابع تاريخى ) ( فارسى ) — صفحة 698
مساهمون: ايرج افشار
ص٦٩٨