في عتاب الحسين ( ع )
يحسين يا جعلة حمانه * أو ياسور عزنه أو ياذرانه
انخاك لا عني اتوانه * يا بن والدي العسكر بيانه
قام وتحرك من مچانه * قرب للخيم چنه اوتدانه
اوبن سعد باولهم لفانه * واحنه حرم محد اويانه
انچان ما تنهض ترانه * منهم تصح النه مهانه
أو يشيلون كل عزنه عدانه * خيف العدو بعدك ولأنه
والخيم فرهدها اوسبانه * بعدك هضم كثره علانه
يبات القلب يحسين مهموم * والعين لجلك ما خذت نوم
يا آية الواحد القيوم * بابن الصميده أو كنز العلوم
يا گصوره اليفرث الصمصوم * يا موت فوق أرواحها يحوم
حسافه يخو زينب أو چلثوم * تمسي على حگك چتل مظلوم
وتموت عن الماي محروم * وين الصديج اليعتني اليوم
ايحشم بني هاشم أو مخزوم * وهل المدينة أو مكة اتگوم
للغاضريه تطوي الحزوم * ترى احسين علغبره شبع نوم
العنده عشيره ايريدها اليوم
يا طارشي خذلي وصيه * أو نواخي أو عتب لهل الحمية
ديوان النصاريات — صفحة 48
مساهمون: الشيخ محمد نصار العراقي
ص٤٨