أو هذا دمعه ألهذا يصبه * أو هذا يشم خد هذا أو يصفر
أو يلي غدت للشبان حنه * غدا هذا ألهذا يجرونه
أو كل واحد لعد موته تمنه * ولا يبقى ألهذا اليوم الا گشر
سبق للحرب عبد الله بن مسلم * امنتب من أبوه النفل والام
شباب بن اهد عش مزراق من سم * تلوه أو نفج يقطر موت احمر
ابن مسلم لعند الحرب شمر
شباب أو لا يخاف الموت مشهر
اسم الله اعليه فرع بالذوايب * گمر لاچن أبليل الشعر غايب
حاط الخيل ودعاها جنايت * أو خلاها امروج تموج بالبر
يشع بسام والميدان مسود * أو رجف زانته والموت يرعد
تنخه أو گال ولكم چي الهلحد * لراويكم اليوم الموت الأحمر
ابن هاشم أو شبل الليث معلوم * جربت والزمط ينعرف هليوم
طفحها أو ذبها على الصمصوم * أو رد النبع بالهندي امكسر
حر يخطف الزانات وتذيه * أو من ينصب الچفة الموت يلويه
يجر سيفه والمگدر يشع بيه * أو خاف الموت من عنده أو كشر
اجاه السهم بس تسمع رعيده * امنيشن قصته ابرميه شديده
شگف عن الوجه ويلاه بيده * سمرها القصته أو خلاه يفغر
ديوان النصاريات — صفحة 3
مساهمون: الشيخ محمد نصار العراقي
ص٣