نامهء مراد پاشا صدر اعظم به اللّه ويردى خان رفعت مآب عزت نصاب ممهد قواعد الرأى و التدبير ، مشيد مبانى التحرير و التقرير بالعقل الشامل ، صاحب الآراء الصائبهء بالافكار الثاقبه ، ناصب رايات الوفاق فى حين الشقاق بحسن آرائه الصائبة ، مؤسس اساس الفوز و الفلاح ، ممهد بنيان الصلح و الصلاح ، حضرت اللّه ويردى خان دام فى رضاء الملك المستعان حضور سعادت موفور - لرينه شرايف تحيات صافيات و داد آيات و لطايف تسليمات وافيات مخالصت سمات اتحافند نصكره انهاء دوستانه اولوركه : حالا شاه جم جاه حضرت لرينك خيرانديش صداقت كيش لرينه ارسال بيوردقلرى نامهء نامى سعادت مقرون لرى و طرف قرين الشرف لرندن ايصال اولنان مكتوب مودّت اليف لرى اشرف اوقات و اسعد حالات ده شرف ورود بولوب . مضمون ميموننده درج بيوريلان احوال خاطر نشان لرى معلوم مخلص لرى اولمشدر مقدما آستانهء سعادت‌دن ارسال اولنان مكتوب بغتة غصب اولنان ممالك استردادينه رضا مقرون اولورسه بزدخى دامن در ميان ايدوب اصلاح بينه سعى موفور و بذل مقدور ايده لم ديو درج اولنمشيدى كرك شاه عالى جاه حضرت لرى و كرك جناب شريف لرى طرفندن وارد اولان مكتوب بلاغت اسلوب ده شاه اسمعيل ثانى زماننده واقع بعض احول ماضيه تحرير و نقض عهد اول جانبدن اولمديغنه متفرع مقدمات تسطير اولنوب . مطمح نظر اولان مقدمهء مرضيه دنكه مآل ما حصل ورقهء خلوص بدرقه در . اسلوب حكيم ايله تجاهل اولند يغندن غيرى استظهار اولنمق احتمالى اظهار و خانلرى