عبد الحسين نوايى
56
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى )
اخراج لرين ويرمينجه سرپنجهء غازيان روم دن خلاص بولمديلرو نصب رايات عصيان ايدن جلالى « 1 » اشقياسيدخى پاداش كارلرين دست بردار باب مجاهده دن مشاهده ايدوب بفضله تعالى انلرك دخى جزا و سزالرى ويريلوب ممالك محروسه دن نام و نشان لرى ناپيدا اولمشدر و بالجمله شمدن صكره بوطرف لرده مانع مصالحه اولور بر خصوص قالمامشدر . بو مرتبهدن صكره احوال ذات البين نظام و فيصل بولمدين بوجانبلردن عودت محال اولوب نيجه ييلر قشلامق اقتضا ايدرسه دخى قشلانوب و راى پردهء تقدير ده مستور و مقدر اولان هرنه ايسه ظهور بولنجه صرف مقدور اولنمق محل اشتباه دكلدر اعتماد مز عسكرك كثرتنه و جنود ظفر و فودك و فرتنه اولميوب توكل و استنادمز جناب حق و درگاه فياض مطلقه در و اتكا و استنادمز معجزات كثيرة - البركات حضرت رسالت منزلت عليه الصلاة و السلامه و چهاريار كرام و ائمهء دين و اولياى عظام رضوان اللّه عليهم اجمعينك ارواح مقدسه لرينه در . امر خطير صلح و صلاح و تأثير خير ايله حيّز حصوله موصول اولمسيچون سنهء سابقه ده سفر ظفر اثر عوق و تأخير النوب . بوسنه دخى منازل و مراحل ده مكث و آرام ايدرك اكلنوب و سبب تأخير سفير مصلحت پذيرك خبر خير ايله كلمسى احتمالى ايدى و سرحد لرمز والى لرى اقتضا ايتمينجه محافظهء روم و لايتندن غيرى امره شروع ايتماملرى بابنده تأكيد اكيد اولنمشيدى لكن جانب شاهيدن ممالك محروسه نك بعض محلنه مضرت قصدينه عسكر كوندريلوب طرف اقدس و اعلالرى نوابندن تعرض اولنمغله بروجه مسارعت يورينوب و بالفعل منزل مرز بوم ارض روم ده اولوب . فرمان پادشاهى مقتضاسنجه بلاد مغصوبه استخلاصنه صرف همته عزيمت قيلنوب . اعلى حضرت شاهى طرفنه بونامهء مصادقت شمامه تحرير اولنوب . قاصد مصالحت مقاصد مشار اليهما ايله جانب و الا لرندن رفيق طريق تعيين بيوريلان زيد قدره خصوصا جواب شافى ايصال ايلمك ايچون ارسال اولنمشدر . لكن توجه مز مقدمات صلحه مبادرت اولنمغه مانع دكلدر . لايق دين و دولت و لازمهء نصفت و ديانت هرنه ايسه ظهوره كلوب جواب
--> ( 1 ) - منظور از « جلالى » شورشيان آسياى صغير مىباشند كه عدهاى از آنان به ايران پناهنده شدند .