باصواب عنايت النمغه همت بيوريله كه تغلبا ضبط اولنان مملكتلردن قصريد اولنديغى صورت ده بو مخلص و لاجوى لرى دخى ما بينه كيروب مقدما اولان صلح و صلاح موجبنجه قطع سنور و تعيين ثغور و دفع شرور اولنمقده سعى مشكور اولنه و سعادتلو پادشاه مز اعز اللّه انصاره حضرت لرينك آستان مكرمت عنوان لرى صوبنه يازيلان نامهء مشكين ختامه لر بدخى بو مخلص لرينه وارد اولانك مضمونى اولمغله جواب ارسالى با بنده اهمال اولنوب قاصد مومى اليه يانمزده اليقو نيلوب . حامل ورقهء اخلاص بدرقه ابراهيم چاوش زيد قدره بنده لريله لسانى بعض احوال مكالمه اولنوب محضر حضرت شاهى ده عرض وانها ايتمسى سپارش اولنمشدر شرف بساط بوسى سعادت مأنوس لرى له مشرف و مستسعد اولوب عرض ايلدكده معلوم ضمير قدسى تأثير لرى اولور . اميد در كه ما بينده فقرا و رعايا پايمال اولدين . معجلا جواب باصواب ايصال بيوريله كه احسن حال ايله بر حالت اولمق ميسر اوله . ترفيه حال عجزه و مساكين اتحاد ملوك هدايت سلوكه وابسته و منوط وَ تَعاوَنُوا عَلَى الْبِرِّ « 1 » سرينه مشروط در . سلاطين داد اعتياد ثُمَّ جَعَلْناكُمْ خَلائِفَ فِي الْأَرْضِ « 2 » كلام كريمى ايله تكريم اولنمقدن مراد كلكم راع و كلكم مسئول عن رعيته مصداقنجه ايفاى حقوق عباد و اطفاء نائرهء فتنه و فساد ايچون هربرى عدل و دادى مفارق عالميانه افراشته و دامن و گريبانى دست دادخواهان دن برداشته قيلوب . إِنْ أُرِيدُ إِلَّا الْإِصْلاحَ « 3 » ايله راه فلاحى طلب و جوياى رضاى حضرت رب اولمغيچوندر تا كه بومثوبات عظمى و حسنات كبرى طرفننك دفتر حسنات لرنده مسطور و آسايش بلاد و آرامش عباد كه آرايش چهرهء عدل و داد در و داد طرفين ايله مؤكد و جانبينك قصربى قصور جاه و جلال لرى آبادان و اولياى دولت طرفين شادان و روضهء محبت و داد رشحات سحاب اتحاد ايله پر نشو و نما

--> ( 1 ) - سورهء المائده 2 ( 2 ) - يونس 14 ( 3 ) - هود 88