مرتضى قولى خان و لطيف خان و شاه گمراهك مصاحب و مقربى اسفنديار خان و روان « 1 » خانى امير گونه نك ولدنا خلفى خان و ارش سلطانى بهروز سلطان و محمد حسين قولى سلطاندن ماعدا اون ايكى نفر سلطان لرك و ايكى بيك سكزيوز سكسان نفر قورجيلرك و دلاورلك دعوا سيله كلان ملحد لرك باشلرى كسيلوب و فرار هنگامنده بىنهايه مفسدلر صوبه بوغيلوب و درت چفت كوس منحوس لرى النوب كسيلان خان لر و سلطان لر و ساير قزلباش باش لريله مومى اليه ملك طهمورثك سحل نام آدمى ماه ذى الحجه نك اون بشنجى گونى آخسقه قلعه داخل اولوب عن قريب مشار اليه سردار عالى شان مزه روانه اولمق اوزره اولد قلرينه و طاغستان حاكم لرندن قديم دن آستانهء عليه مزه انقياد و اتباع اوزره اولان سلطان محمود و قيموق حاكمى على بك و تيمور قپو دربندى حاكمى اوصون بك و ساير طاغستان خلقى مومى اليه ملك طهمورت ايله خبر لشوب من بعد دفع اهل شقاق و نفاق ده بربريله اتحاد و اتفاق اوزره قزلباش ايله عداوته عهد و يمين ايدوب و قريم عسكرى جناب شجاعت نهاد كزايله در بنده قريب كلدكلرنده قارشوليوب او ككزجه قلاوزلق و رهنمالق ايدوب بيلد كلرى بوللردن سهولت له عبور ايدوب و ساير ضروريات ايله معاونته تعهد ايتدكلرين بالفعل آخسقه بگلر - بگيسى اولان امير الامراء الكرام حسين دام اقباله مشار اليه سردار نصرت كردار مه اعلام و كسيلان باش لر واولنان كوسلرايله ز كم حاكمينك آدملرى حلبه كلد كلرى كبى اكلندر ميوب آستانهء سعادتمزه ارسال اولنورديو سردار مشار اليه عرض و انهاو مومى اليه حسين پاشانك مهرلى مكتوبنى تلخيص و آستانهء سعادتمزه ارسال ايدوب مضموننه نظر فرخنده اثر مز متعلق و فحواسنه اطلاع همايون مز لاحق اولمغله بو فتح مبينك ظهور بولدوغندن و ملاحدهء بىدينه بو و جهله هزيمت و انكسار حاصل اولدوغندن درگاه قاضى الحاجات و بارگاه سميع الدعواته شكربى پايان اولنمشدر و قوتلى - كون طوغشندن و يخشى باز گلشندن بللودر ديد كلرى اوزره هر عزيمتك نهايتى بدايتنه موافق و هر حركتك خاتمه سى فاتحه سنه مطابق اولمق عادات كريمهء الهيه

--> ( 1 ) - روان همان است كه ما « ايروان » مىگوئيم و ايروان اكنون مركز جمهورى ارمنستان شوروى است .