و عطيات عميمهء سبحانيه سنن مطرده سندندر جناب رب الارباب و مسبب الاسباب حضرتندن اميد جاويدمز بودر كه درون صفا مشحون مزك حسن توجهى و دعاى مظنون - الاجابتى و سردار ديانت آثار مزك يمن نقيبت و خلوص طويتى بركاتيله بو سال فرخنده فالك خلال اقبالنده بر قولمز الندن دين و ملتى مغاير شاه بىتوفيقه بود كلو طبانجه چالنجه و كور ركوزى و طوترالى مثابه سنده اولان نيچه خانلر و سلطان لرى قليجندن كچنجه محبت چهاريار بزرگوار و عقيدهء اهل سنت و جماعت ده راسخ و استوار اولان عساكر حنفى المذهب و جنود سنى المشربم سب و لعن اصحاب و احباب سيد - المرسلين افضل عبادات عدايدن روافض بىدينه غالب و مظفر اولوب بعناية اللّه تعالى گروه مكروه ملحدينه بر قليچ چالنه و اهل اسلامه ايتدكلرى اهانتلرك اضعافيله انتقامى بر وجهله النه كه بوسنهء عميمة الميمنه دن غيرى بر دفعه دخى ايجاب سفر و ارسال عسكر لازم كلميه الى الان تيمور قپو دربندى قزلباش النده در ديو عساكر تاتارك عبورنده نوع اشكال احتمالن و يردو كزللّه الحمد بو دفعه اول محذور بالكليه بر طرف اولوب جمله در بند و طاغستان حاكم لرى غيرت دينيه و اتحاد طينيه ملابسه سيله دولت عليه مزه موروث اولان اطاعت لرنده كما كان مستمر اولد قلرى سبيله سزى قارشوليوب او كو كزه دوشوب بيلدكلرى يوللردن سهولت ايله كچرمكه تعهد ايلد كلرندن صكره فرمان جليل العنوانمز اوزره معجلا قالقوب محل مأموره عزيمته بر وجهله عذر تقديمنه متصدى اولمكز غير تدن عداولنه بيلورمى مقدما مرحومان غازى گراى خان و عادلگراى خان برر قالغايلقلرى حالنده خان دكللر ايكن و تيمور قپو كير - و شمديكى كبى دشمن النده ايكن عساكر تاتار ايله وارد قلرنده او كلرينه نسنه حايل اولميوب دربندى كچوب شروان محافظه سنده اولان غازى وزير عثمان پاشايه قاوشوب قزلباش بىدينه نه ايشلر ايتدكلرين و مرحوم جدّ بهشت مرقد مز سلطان مراد خان عليه الرحمة و الغفران زماننده نه جان فد القلر ظهوره كتورد كلرين اول معركه لرده بيله اولان تاتاز غازى لرينك بقيه سى بيلمز لرمى سز خود مستقلا جناب جلالت مآبمزك ديكمه سى اولوب هيچ فرمان اولنمدن خانلغگز ابتداسنده بويله خدمتده بولنمغى جانكزه منت بيلمك كركسز خانلق كوكبه سى و حكومت مرتبه سى ايله سزانلردن زياده