اولوب بربرلرندن بر آديم ايلرو كيدوب كيرويه قالمازلر - دى . پادشاهك ركابنده ايكى زربفت جامه‌لى خدمتكار كيدوب سپاهك اورتاسنده مولانا قاضى وليداجى و جان - داجى پادشاه ايله كيدرلردى . مولانا قاضى ايلچيلره پادشاه مقابله كزه كليجك آتلر كزدن اينوب زمينبوس ايدك ديو سپارش ايتمكله ايلچيلر دخى اول منوال اوزره حركت ايلديلر . پادشاه ايلچيلرك ينه سوار اولمالرينى فرمان و كندوسنه يقين كيتملريله شادى خواجه‌يه شكارده سنك كتورديكك آته سوار اولمشدم . غايتله پيرلك و درمانسزلغندن بنى دوشوروب اياغمى الم‌زده ايلدى . نيجه شيلر طلا ايتدكدن صكره حالا بر مقدار وجعى سكون بولمشدر . هديه كتوريلن شى غايتله پاكيزه اولمق كركدركه ازدياد محبته باعث اوله ديو شكايت و تعريض ايتدكده شادى خواجه پادشاهم اول آت تيمور خان صاحبقرانك يادكارى اولمغله سزه كمال محبت و اجلال قصديله ارسال بيور مشلردى . ديو جواب ويرديكنده غايتله حظ ايدوب بعده پادشاه بر طورنه‌يه سنقور صالوب آلديردقدن صكره اول سنقورى سلطان شاهه و بر سنقور دخى كتوردوب سلطان احمده ويردى . و الحاصل بو اسلوب ايله شهره داخل اولدى . ربيع