خطايى ، على اكبر
417
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
الاولك دردنجى كونى مهماندار كلوب مقدما عطيهلر احسان اولنان سلطان شاه و يخشى ملكدن ماعدا ايلچيلرى سراى پادشاهىيه كوتوردى . پادشاه تخته اوتوريجق ايلجيلره و يرلمك ايچون خوانلره وضع اولنان نقد و اقمشهيى بالجمله پادشاهك اوكنه كتوروب بعده امرى ايله برطرفه قوديلر . ايلجيلرك اوكلرينه قونيلان خوانلرى آلوب منزللرينه كتديلر شادى خواجهيه ويريلن اون بالش نقره و اوتوز اطلس و يتمش عدد انواع اقمشه و بش بيك چاو و خاتونى ايچون اوتوز قماش و سلطان احمد و كوكجه و ارغداقك هر بريسنه سكزر بالش نقره و بالجمله كندو - لرى و خاتونلريچون اون التيشر اطلس و يتمش سكز اقمشهء متنوعه و ايكيشر بيك چاو و غياث الدين و اردوان و تاج الدين بدخشينك هر برينه يديشر بالش نقره و اون آلتيشر اطلس و التمش برر قماش و ايكيشر بيك چاو ايدى . بو اثناده پادشاهك زياده علاقهسى اولان بر خاتونى انتقال ايتمكله پادشاهى كورهمديلر . خاتونك وفاتنى ، تعزيه لوازمنى آماده ايتمك ايچون خلقدن كتم ايدوب جماذى الاولك يكرمنجى كونى وفاتنى اظهار و ايرتسى دفن اولنه جقدر ديو اخبار ايلديلر . اما اول كيجه قضاى الهى ايله آتش برقدن « 1 » پادشاهك يكى قصرى طوتشوب و اول قصرك ديوانخانهسى كه سكسان زراع طول و اوتوز زراع عرضى اولوب اوچر آدم قوجاقلامايه جق لاجوردى و آلتون
--> ( 1 ) صاعقه .