متعلق اولان شى صارىيه قونمق عادت اولديغنه بناء شاهرخ سلطان و شهزاده بايسنغر ميرزانك صارى اطلسه قونيلان نامه‌لرينى ايكى ال اوزره طوتدقلرنده مولانا قاضى مكتوبلرى آلوب خادمك الينه و يردى . پادشاه تختدن اينوب صندلىيه اوتوردى . و اوچبيك جامه كتورديلر . امراسينه و اقربا و اولادلرينه خلعتلر كيديروب بعده ايلچيلردن يدى نفرى كه شادى خواجه و كوكجه و سلطان احمد و خواجه غياث الدين و ارغداق و اردوان و تاج الدين بدخشيدر . ايلرويه كوتوروب ديز چوكرديلر . پادشاه شاهرخ سلطانك احوالنى سؤال ايليوب بعده قره يوسف « 1 » سلطانه ايلچى و مال كوندررمى ديو سؤال ايتدكده ايلچيلر جوابنده بلى ايلچى و مال كوندرير . حتى كنديلرى دخى ايلچيلرينى و كوندردكلرى مالى كورديلر ديو جولب و يرديلر . بعده اول ديارده غله‌نك نرخى اوجوزميدر بهاليميدر

--> ( 1 ) - قرايوسف - قره قيونلى پادشاهلرندندر و امير تيمورك هجومنده رومه و صكره مصره فرار ايتمشدى تيمورك و فاتندن صكره كلوب تبريزى ضبط ايتدى بعده سلطان احمد جلايرى ايله جنك و 813 سنه سنده قتل ايلديكندن استقلال اوزره ازربيجان ده پادشاه اولدى . صكره قزوين و ساوه و شيروانى دخى ضبط ايلدى 823 سنه سنده طرف خراساندن اوزرينه توجه ايدن ميرزا شاهرخ سلطانه مقابله نيتيله تبريزدن چيقوب اوجان يايلاقنه قوندقده اجل طبيعى ايله وفات ايلدى . احفادى آق قيونليدن اوزون حسن زمانه قدر حكومت ايتمشدر .