خطايى ، على اكبر
397
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
آندن ماعدا جلهده اوتوروب رياضته مشغول رهبانلر و ببر و پلنك و اژدرها صورتلرى و درختانلر ياپمشلر ديكه ماهر استادلر تماشاسنده حيران قالورلردى . و اول تپخانهده قمجو شهرندهكى چرخ فلك كبى بر قصر ياپلمشدى كه آندن مكلف و بيوك ايدى . آندن كوجيلوب يكرمى بش . فرسخ كيدلد كدن صكره ذى الحجهنك سكزنجى كيجهسى صباحه قريب خانبالغ شهرينك قاپوسنه واريلدى . هنوز صباح اولوب قاپولر آچلمامغله ايلچيلر ، ياپمغه مباشرت ايتدكلرى بر جدن شهره كيروب پادشاهك سرايى او كندهكى ميدانه واريلدى . سراى قاپوسنه قدر يدييوزاياق مقدارى محل يونلمش طاش ايله دوشنمشدى اول محله واريلدقده ايلچيلرى آتدن اينديروب پياده سراى قاپوسنه وارديلر . دركاه پادشاهينك ايكى طرفنده طوران بشر فيلك خرطوملرى آرهسندن كچيلوب ايچرويه كيرلدى هنوز جهان روشن اولمامشكين يوزبيكه يقين آدم جمع اولمشيدى اول قاپونك ايچروسى بر بيوك ميدان و ميدانك نهايتنده اوتوز زراع مقدارى كرسى اوزرنده الليشر زراع بويلى دركلر اوزرنده بر بناى عظيمك اوزرينه طولى آلتمش زراع و عرضى قرق زراع طولانى بر اوطه ياپلمشيدى مزبور كوشكك اوزرنده ايكى آدم پادشاهك چيقوب تختنه اوتورماسنه منتظر طوروب قاپونك صاغ وصولينه كوس و ناقوس قومشلر ايدى . اول محلده اوچ قاپو