و شمار ايلديلر . آندن سكحو شهرينه و اريلوب شهرك طشره سنده اولان بيوك منزلخانه‌يه قونلدى . و بوندن صكره مجموع لوازمكز منزلخانه‌دن و يريلور ديوب مراكب و سائر اشيالرى دفتر و معتمد آدملره تسليم ايلديلر . و شهر مزبورده اولدقجه ايلچيلرك مجموع لوازمى منزلخانه‌ده حاضر و مهيا اولوب هر كسه بر اوريلمش سرير و بر جامه خواب حرير و هر خدمتى ادا ايدر خدمتكار و يرديلر شهر مزبور مربع الشكل بنا اولنوب قلعه سى و غايتله متين سورى و ايچنده واسع پاراركاهى واردر و اللى زراع مقدارى عريض يوللرى صولانمش و سوپرلمشيدى . و نيجه چارشولرى اولوب هر چارشو باشنده اغاجدن غايتله تكلفلى بررچار طاق وارايدى . و خانه‌لرنده خنزيرلر وافر اولوب قصاب دكانلرنده خنزير و قويون اتلرى برابر آصلمشيدى و شهرك باروسنك يكرميشر خطوه فاصله ايله اوزرلرى اورتولى برر برج بنا و شهرك درت قپوسى اولوب برىبرينه مقابل قويمشدر . شهردن هرقپو بر چوق مسافه اولديغى حالده يوللرك طوغر يلغندن قپولر كورونوردى . هر قپونك دخى اوزرنده ايكيشر طبقه برركوشك انشا اولنوب مازندران خلقى كى اوزرلرينى پوشيده ايتمشلر ايدى . انجق مازندران اهاليسى رنكسز سفال ايله اورتوب ختاييلر چينى كاشيلر ايله اورترلر . و نيچه پتخانه‌لر وارايدى كه هر برينك دائره‌سى اون دونم مقدارى اولوب مجموع زمينى طاش كى محكم و جوهردار تراشيده طوغله دوشنلمشدى .