خطايى ، على اكبر
391
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
و پتخانهلرينى غايتله پاك طوتوب پتخانه قپولرنده خوب سيما اوشاقلر طورورلر و غريب آدمه رهبرلك ايدرلر . شهر مزبورك پادشاهنك تختكاهى اولان خان بالغه وارنجه طقسان طقوز منزلخانه وارايدى كه هر بريسى قصبه و شهره معادل ايدى . و شهرك مابيننده نيجه يرده بربرندن كورينور يكرميشر زراع مرتفع خانهلر واردر كه آنلره قرغو ديرلر ايچلرنده دائما اونر آدم ساكن اولوب فرضا بر طرفدن بيكانه عسكر كلمك كبى بر قضيه ظهور ايلسه اول سرحدده اولان قرغوده آتش ياقارلر آتشى مشاهده ايديجك آكه قريب اولان قرغو اهاليسى دخى در حال آتش ياقوب بو و جهله بركون بر كيجه ده اوچ آيلق بعيد محل خلقى بر واقعه ظهورينه مطلع اولورلر . و هر اون مرهده بر كه - اون سكز مره بر فرسخ شرعيدر - برر كيدىقو واردر كيدىقو اول كمسنهلردن عبارتدر كه ذكر اولنان يرلرده اسكان اولنمشلردر . و دائما بريسى حاضر و آماده طورور . و آنلرك خدمتلرى بودر كه بر قضيهء كليه ظهورنده قرغو اهاليسى آتش ياقدقلرى كبى اول قضيه هر نه ايسه يازوب مكتوبى كيدى قويه ويررلر اول دخى كمال سرعت و شتاب ايله او بركيدى قويه اولاشديروب بو منوال اوزره تا پاى تخته ايصال ايدرلر . قرغوده اول جماعت نوبت ايله اولوب اون كون تمام اوليجق نكهبانلرى كيدوب يرلرينه غيرى آدملر كلورلر اما كيدىقو اربابى متمكن اولوب زراعت و حراثت ايدرلر . و آنلرك