بولنميوب ناچار خاندان خاقاندن لوزى خاتون نام بر خاتونى خاقانه ايتديلر و اول زمانده حكمادن بوچين كزين نام بر حكيم ذوفنون اولمغله خاقانه‌يه كلوب اكر اجازت ويررسن سنك جانبندن حكمت و سياست ايله الكه مزى ضبط و اداره ايده‌يم ديدكده خاقانه دخى اول حكيمه رتبهء وزارت ويروب امور مملكتى اكا تفويض ايلدى و حكيم مذكور تدبير ولايته عقل و فراست ايله مشغول اولوب تمام ريب و زينت ويردى بو اثناده بر طاع اوزرنده اول عورتك وزرا و امرا و سائر عساكرنيك صورتنى طاشه يونوب و عورتك صورتنى دخى التمش زراع طاشدن كسوب و ياننده اشك صورتنده بر ديو ظاهر اولدى و اول حمار صورتنده اولان ديو كلوب ظاهرده عورتله جماع ايدوب بعد زمان اول خاتوندن صورتى ادمى و اياغى و قولاغى خر شكلنده ايكى الى يومولى بر اوغلان طوغدى بعده اول اوغلان اوچلريك اچدقده برالنده برچوب برالنده بر پاره كاغد اول كاغد ده يازلمش كه اولدرمك و سورمك و دوكمك اولزمانده اولان حكما تعبير ايلديلركه ضبط ممالك چين بو اوج وجهله كه اولدرمك و سورمك و دوكمك در بونلر ايله بو چين كزين ممالك چينى ضبط ايلدى فصل بو چين كزين شاكردلريله عربه‌لره سوار اوله رق اطراف ممالك چينى دور ايدوب هر ولايتك دخل و خرجنى رؤيت و حكمت ايله قانونلره وضع ايدرك ضبط ممالكده كز ركن اتفاقا بر شهرك محله‌لرينى عربه‌لر ايله كزركن يوللر اوزرنده اوغلانجقلر چاموردن اولر دورمشلر ايمش حكيم خطاب ايدوب ديمشكه اولريكزى يقك تا كه عربه‌لر كچسون انده اولان برزكى اوغلان جواب ايتمشكه عجبدر كه حكيم حكمت اوزره اوزره ممالك كشت ايدوب عدالت اوزره قانونلر وضع ايدركن عربه‌يى خانه‌دن دور ايتميوب خانه‌يى عربه‌يه دور ايتمك بيوررديد كده انك كبى حكيمى بر جواب باصواب ايله ملزم ايلدى و اول حكيمك مدت مدت ايالتنده چين ولاتنى مضبوط اولوب اند نصكره خلق عاجز قالمغله وزرا و امرا جمع اولوب ديديلر كه اول نه طريق و اسلوب ايله ضبط و ربط ايدردى اعيان ولايتدن برى انك بر دفتر قانوننامه‌سى وارايدى اول قانوننامه موجنجه ضبط ايدردى ديدكده اول قانوننامه‌يى نقدر تفتيش و تفحص ايتديلر ايسه ده بولنمدقده حكيمك اوغلنى ديوانه احضار ايدوب سؤال ايتديلر اوغلان نره ده دربلمم ديوانكار ايدنجه سياست طريقيله يوزدكنك اورديلرينه اقرار ايتمدكده مومى اليهم اكر اقرار ايتمز ايسن سنى عاقبت شكنجه التنده