خطايى ، على اكبر
256
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
هلاك ايدرز ديدكلرنده اوغلان جان خوفندن بابامك مقبره سنده مدفوندر ديو اقرار ايتدكده واريدرينك قبرينى اچوب كتور ديديلر اوغلان دخى قبردن قانوننامهيى كتوروب وزرايه تسليم ايتدكده اوقوديلر اول قانوننامه ده يازمشكه ممالك چينى ضبط ايتمك استيانلر بو دفتر ده مكتوب اولان قانون اوزره عمل ايدوب اصلا مخالفت ايتمسونلر و بو دفترى بنم قبرمدن اول كيم چقارر ايسه انى قتل ايتمك كرك ديو وصيت ايلمش قانوننامهيى چقاران حكيم مزبورك اولمحفلى اولمغله پدرنيك وصيتنه امتثالا فى الحال قتل ايلديلر بعده اول قانوننامه اوزره عمل ايتدكلرنده جميع ولايت مضبوط اولوب ذكر اولنان قانونلر اول فيلسوف ذو فنونك تدبير اختراع و ايجاديدر كه نيجه بيك ييل اول ممالكده تبديل و تغيير اولميوب على حاله جاريدر باب رابع عشر تعليم علوم ايچون بنا اولنان مدرسهلر بياننده در جميع ممالك چينده علم سياق ايچون معلمخانهلر و كندولره متعلق اولان علوم ايچون مدرسهلر بنا اولنوب بناسى و سائر خرج و مصارفى خاقان جانبندن اولنوب سائر كمسنهلر اول بنالره اقجه صرف ايتمك قانونلرندن دكلدر و اول مكانلرده كسب كمال ايدنلر اولاد امراى اهل قلمدر ضبط مملكت و قانونلرى علمنى تحصيل ايدوب بلكه حقيقتده ضابط ممالك چين انلردر روز شب اول قومك حركات و سكناتلرى ساعات ايله تخصيص اولنمشدر خصوصا ذكر اولنديغى وجه اوزره خاقانلرينك اوقاتى كيجه كوندزده تعيين اولنان قسمتدن بر ساعت تجاوز ايلمك رسم و عادت دكلدر ضبط اوقاتلرى بر مرتبه ده در كه خاقانلرى اكر خوابده قسمتدن تجاوز ايتمك مراد ايتسه قومايوب بيدار ايدرلر زيرا خط و نشان ايلمكه فرصت فوت اولوب امور ملك معطل اولمق لازمكلور حقا كه خاقان چين و وزرا و امراى صاحب ايين امور مملكت ضبطنده و سائر رسوملرى ربطنده جد و اجتهاد تام و اهتمام تماملرى هيچ بر ممالكه ميسر اولمامشدر و اولماز باب خامس عشر اطراف و جوانبدن كلوب كيدن ادملرك احوالاتى بياننده در اول كمسنهلر كه اهل اسلامدن قورى جانبندن كلور مطلقا الچى تامنده كلورلر زيرا انلرك عندنده كويدن و يا شهردن كلان كرك صوباشى و كرك پادشاه كرام و كرك خواجه و غلام برابر در زيرا كند و مملكت و شهرلرندن غيرى عالمده شهر ولايت يوقدر ديو اعتقاد ايدرلر و جانب بزدن كلانلرك معتبر هدايالرى كه اول ولايتده غايت مقبولدر الماس وات و سيوف