سايه‌لرنده اوتوروب سازنده‌لر سازلريله و خواننده‌لر هم اوازلريله و رقاصلر همبازلريله صحبت و عيش و نوشه مشغول اولورلر و دنياجت كافراندر ديدكلرى خدمكر طوى چيناندر و اول ولايت اوزملرينك مزه سى يوقدر اول سببدن مجلسلرينه اون درلو عرقى و شراب قورلر و جمله‌سى يرنجدندر و سراى خاقانك ايكنجى قلعه سنده اق مرمردن حوضلر بنا اولنوب اوستلرى اورتلمشدر ملك چينك اون‌ايكى قسمندن خانبالغه كلان جمله خلقك شرابلرى انده در و نيجه خادملر و سرايلرده اولان قزلره و نيجه بيك امرا و كبرايه اندن ويريلور و اول يرنج شرابنك خاصيتى اولدر كه بدنى سمردر و تندرست ايدر و تعظيم و ادب اهالئ چين شو مرتبه ده در كه كويا ادب و عزت و حرمتكه جميع خلق عالمه تقسيم اولنمشدر انلرك مردان و زناننه و يرلمشدر ادب و حرمتلرى بو مرتبه ده در باب الحادى عشر خرابات و خراباتيلر بياننده در ممالك چينك هر شهرنده مفسده عورتلر ايچون باسقه محله‌لر واردر اقلى بش التيوز اودر و مزبوره‌لر اكثر بكلر قزلريدر كه پدرلرندن در لودرلو كناهيلر ظاهر اولوب قانونلرى اوزره حبس و قتل اولنوب اوغللرى و برادرلرى ادنى پايه ده عسكرى اولوب عورت و قزلرينى جزاء خراباته سوررلراند نصكره اول كنهكار اولان وزير و يا اميرك اركك جماعتى خاتون جماعتنى كورمز و اول بكلرك خانمانلرى اويلجه خراب و يباب اولوب نام و نشانلرى ذكر اولنان كناهلرك انواعى بودر كه خاقاندن صادر اولان امرى اول جنده حاضر اولان انساندن نوعاستر ايتمكى قصد ايدوب خلق براز كيدوب خلوتده حكمى اجرا ايتمكه جرت ايده و يا خود شكايتجيسى اولوب و يا خيانت ايتمكه انديشه ايده و يا خراباتده اولاعوراتله مجالسه ايتمش اوله زيرا خراباتده اولان نسوانك روى زمينده حسن و جمالده امثاللرى يوقدر زيرا جمله‌سى وزرا و امرا قوزلرى و همشيره‌لرى و عورتلريدر ابليس و شيطانك وسوسه سيله اختيارلرى الدن كيدوب خصوصا ايام جوانى اوله بىاختيار عاشق اولوب اول مفاسده ارتكاب واقع اوله و ذكر اولنان كناهلرك بعضيسى شهر خلقندن دخى طاهر اولسه كندولرى حبس و قتل اولنوب عورت و قزلرى و قزقزنداشلرى اسير و دستكبر اولوب صايتلور و اوغللرى و قرداشلرى عسكر اولورلر فصل استسقا قانونلرنده خراباتيلره مخصوصدر سببى اولدر كه اون‌ايكى قسم ملك چينده اولان وزرا و امرا لاينقطع احوال ولايتى خاقانه عرض يدوب و متصل جوابلرى كندولره و اصل اولور و اتفاق بريرده ياغمور ياغمسه و پاقار