ياغوب تاج كون طورسه و ياقاج كره باران اولوب و هر ياغمور ياغدقده نقدر ذبين زراعت اولنمشدر و سائر احوال رعايا و برايا دائما خاقانه انها اولنوب جوانى النوز اتفاقا بريرده ياغمور باغمديغنى خاقانه عرض ايتسه‌لر خاقان چيتدن خط كلوركه استسقا ايدك و استسقا خراباتده اولان زنانه مخصوصدر و خراباتيلرك استسقا محلى اول ولايتده اولان كليسالرده در وانده اولان خراباتيلر استسقايه عزم ايتسه‌لر جميع توابع و لوا حقلرينه وصيت ايدوب الوداع ايدرلر زيرا كه اول طائفه راتيه اولمغله واجب القتل اولوب و انلرك قتلى حكمت اوزره در و بر جماعت دخى خائنلر اهل و اولاد يدر كه انلرك دخى استسقاسى مقبول اولميوب باران اولمسه نيجه بيكى قتل و حبس اولنور زيرا اول قومى خراباته سوردكلرى زمانده شرط اولنمشدر كه اكر قبول اولمزايسه اول ولايت حاكمى انلردن ديلديكى قدر قتل ايده و اول زمانده انلره اولكليساده اولان اوقافدن پرهيز طعام و يررلر حيواناتدن اكل ايتمامكله تصفيه تحصيل ايدرلر ديو اعتقاد ايدوب تا زمان مقصوده دكين حاللرى بو منوال اوزره اولوب اولزمان جماعدن پرهيز ايدرلر و استسقايه چقدقلرى اوانده اول بت رويان هزاران ترس و بيم ايله نالان و كريان و سوزان و لرزان اوله رق الوداع كنان اول محله روان اولورلر بيت مىدهم صورت تغير ميكذارم موى سر * تا بنوشد روز من ماه خراباتى ديكر نثر و صورت و طور استسقالرى اول جماعتك خاننده و سازنده‌لرندن بر كروهى اوتوروب سازلرين چاله رق و كوينده‌لرى دخى اون‌ايكى مقامده علم موسيقىيى سوز و ساز ايله عمله كتوروب و رقاصلريدخى اصول ايله طاقتلرى طاق اولنجه بازيهاى عجيب و لعبتهاى غريب كوستررلر بعده بر كروه دخى قالقوب بت اوكنده بازيلر و رقصلر اظهار ايدرك انواع زاريلق ايله يوزلرين يره مموررلر و بو اسلوب او ذره چوق چوق كيروب چقارلر و نيجه زمان ترس جان و تندن نه يمك و نه اويقو اويومق كيجه و كوندز زاريهاى جانسوز و نالهاى دل افروز ايله نظم مازادم درد دل ميخواستيم * تا جهانى را بزار اراستيم بو نوع زاريلقلرى اول مرتبه ده ايدرلر كه تاوهاب بىعلت و خلاق بىمنت اول دردمند و مستمند بيچاره و اواره‌لرك احوالنه مرحمت ايدوب دعوتلرين اجابت ايدوب مانند سيل عزم باران بر مرتبه ده كثرت اوزره اولور كه طاغلر كبى سيللر كلوب نيجه شهر معظملرى خراب و يباب ايلر و حكمت شناسان چين ديرلر كه اجابت استسقا ناله جانسوز ايله اولور اول سببدن خراباتيلرى جمع ايدوب انلرى قتل ايله