و امرا مأزونلردر كه انلرك خلاصى ايچون خاقانه عرض احتياج اولميوب احكام يازه‌لر و اول مرسوملرى تحميل ايدوب و تعظيم و تكريميچون ايكى خالى محمه دخى ملون اطلسلر ايله اورتولرينى تزيين ايدرك اكا الحاق ايدوب بر ايكيوز نفر معتمد عليه كمسنه‌لر ايله كوندررلر و اول كمسنه‌لر محبوسلرك شير و منزللرينه واردقلرنده انده اولان اوامر و اكابر مراتبنجه قارشو چيقوب معين اولان مكانلرينه تعظيم و تكريم ايله اينديررلر و هر شهرك امراسنك مقدارينه كوره كه خاقان چين طرفندن ديوانخانه‌لر بنا اولنمشدر على الصباح اول شهرده اولان امراء سلطنت و اعيان دولت ديوانلرينه جمع اوله رق احكام قضا احكامى لچوب حكم اولنان امورى بلا تاخير يرينه كتوررلر و هر ديوانخانه ده اوج مير صاحب تدبير واردر كه برى حاكم شهر و برى امين و برى مال ميرينك قبض و صرفنه مأمور در و هربرى برندن خوفناك و ترسناك اولوب خيانت و تقصيره زهره‌لرى يوقدر كه ارتكاب ايده‌لر زيرا خاقان جانبندن هريرده جاسوسلر و غمازلر تعيين اولنمشدر كه بر كيجه ده تقصير و خيانتلرى و صيانت و ديانتلرى اتش علامتلرى اشارنلرندن خاقانك معلومى اولوب مأموران جزا و سزالرينه كوره عزل و قتل و دولت و سعادت بولورلر بو طريق اوزره درون بيرون سرايده اولان دختران و خادمان و سائر امرا و ضابطان برى برلرندن ترسانلر در و اون‌ايكى قسم ملك خطايكه بيرون سرايده هر قسمنه برر ديوانخانه بنا اولنوب بيرون سرايده دخى انلركبى برر ديوانخانه‌لر واردر و هر برنده بر دختر سعدت اختر مفتش و حاكمه و ايكى جانبلرندن ايكى خادم معتبر تعيين اولنوب صاغ طرفنده اولان امين وصول جانبلرنده اولان خادملر ديوانخانه‌لر دفاتر نه ناظر اولوب على الدوام دفترلر و پادشاه جانبندن مهر و دوات و قلم و التون‌كر سيلر اوزره طوروب و ذكر اولنان اون‌ايكى قسم ولايتك هربرنيك مهر و خطى بركونه در كه اهل بيلورلر و جميع ممالك امور و تدبيرى اول اون‌ايكى قزلرالنده در كويا ممالك خطايه اول قزلر پادشاهدر ديسك جائز در و بيرون سرايده رأى جهان ارا اولان ديوانخانه لرك ضبط و ربطى النى و دير افلاطون نظير مشترى مشير ارسطو تدبيرلرك رأى و تدبيرلرينه متعلق و مفوضدر برى ضابط قانون ممالك خطابدر و برى برنج و بغداى واريه و فوكه تازه و يابسه و مهمات و ذخائر علالكه ممالك چينده ضبط و صرف اولنور اكا متعلق و مفوضدر و برى مأمور معادل و امتعه