بر خادم بلند اواز معلوم خاقانى اولدى ديواندا ايدوب ساكت اولور بعده هر مصلحتك ايجابى نه ايسه خاقانك امر و اراده سيله رؤيت اولنور و اكر خاقان ديوانه بركره چقمز ايسه معافدر اكر اوچكره ترك ايلسه كنهكار اولور و انلرك اييننده كناه عظيم ترك قانوندر شويله كه خاقاندن اوج كناه صادر اولسه خاقانلقدن عزل اولنوب ذكر اولنديغى اوزره بعد مدت مديده خاقانلق محلول اولنه قدر نسلندن منقطع اولوب وجه سابق اوزره اول شهزاده لردن بعض شهرلر و سرايلرده محصول خرابات ايله معاش ايدنلردن بر علم و افهم و اعقل و افضلنى كتوروب خاقان ايدرلر و كندودن خلاف قانون و قوعيله معزول اولان خاقانلر بعد العزل قادز دكللر دركه مخالفت ايدوب وزرا و امرا و لشكرى كندويه تابع ايدوب عزلدن خلاص اوله بيله و جميع پادشاهلرنيك و وزرا و امرانك و جمهور خلقك اقدام و اهتماملرى بونك اوزرينه جاريدر كه انلردن خلاف قانون بر كار ظهوره كلميه اول سببدندر كه جميع خلق بر كناه ايله معاقب اولورلر خاقاندن اوجكناه صادر اولمينجه عزل اولمزلر فصل خاقان زاده‌لر و وزرا و امرا خاقان چينه ايكى جهتدن مخالفته قادر دكللر در برسببى بودر كه جميع لشكر موجود اولوب خارج از دفتر بر كمسه يوقدر هرچند شهزاده معظم و مير محترم مخالفت قصد ايتسه‌لر يانلرنده ايكى اوج كمسنه قالمز ايكنجى سببى بودر كه خلاف قانونه اطاعته ذره قدر زهره‌لرى يوقدر قانون اوزرينه اتا اوغلن و اوغل اتاسن قتل ايدر اييلرينه مخالف بر فوت صادر اولسه مابينلرنده مشهور اولان تواريخده مسطور در درت بيك ييلدر كه ولايتلرنده طاعون و بريرخراب اولميوب و عساكرى بيننده فتنه و فساد و قوعبولما مشدر و اعدا مملكتلرينه كلوب رخنه و يرمكه قادر اولميوب رنجيده ايده مديكى قانون و قاعده‌لرينى نهايت مرتبه ده حفظ و حراست ايتدكلرندر و چون ممالك خطاى اون ايكى قسم اولوب هر قسمنك يشم طاشندن ال ايه سى كبى مهرلرى واردر كه اوزرلرنده اژدرها صورتى نقش اولنمشدر و مهرلرى سرخ رنكله اوريلوب و كاغدلرى حرير اولمغله اون عدد براتى بربرى اوزرينه قيوب بر مهرباصلد قده جميع سنه نشان حاصل اولوب كفايت ايدر و تعظيم نشان و مهر خاقان اول مرتبه در كه اكر خاقان تماشايه و سائر خصوصده دخى نوعا سيره كتمش اولسه و با خود سيرنده مخالف امور كورسه و اول اموره بجضور اولسه و يا اون‌ايكى قسم مملكت چينده محبوس اولان خلقك قانونلرى اوزره طلاق لازم كلسه مدبر ممالك اولان وزرا