باغليه رق شهرك زوقاقلرينى سيلوب سيوروب تطهير ايدر و ذكر اولنان خادملر كه پايلر صاحبى ممالك ضبط و ربطنه قادر و محتشم و محترم كمسنه‌لر اولمغله اهالى بلده واقف اولد قلرنده انواع زيب و زينتله دكانلرين و زوقاقلرين تزيين ايدرلر و اول مير معتبره خدمت ايچون تعيين اولنان خدام بركون اول پاك و مفرح لباسلر كيوب سرايدن چقارلر و كروه كروه اولوب كيمى زراندود و كيمى عظيم كورزلرى باشلرى و او موزلرى اوزره قويه رق و كيمى زر دسته كورزلرى ادقه لرينه بند ايدرك و كيمى سنجاقلرى باشنده ترتيب ايله تعبيه ايدوب و كيمى اللرنده كتوره رك و كيمى زراندود تيغلرى عريان او موزلرنده قويه دق و كيمى اظهار سياست ايچون عظيم چوبلر و بند و زنجيرلر قالدره رق و كيمى زربفت و ملون اطلسلر ايله اراسته و پيراسته تخته اطرافنده طوررلر و الحاصل انواع انجام و درلو صورت و زينت ايله مزين اوله رق سراى خاقانى قيوسنده نوجهله فرمان قضا صادر و جارى اولور ديو حاضر و منتظر اولوب طوررلر تاكه اول خادم سرايدن چيقوب اول تخت روان اوزرينه اوتوره بعده عساكر مرقومه ساعت نجومى مقدارى هاى و هوى تمام ايله انك او كنجه يورييوب شويله بر كمسه نك كلب و يا مرغى طشره ده كورنسه صاحبنى كتوروب يتمش چوب اوررلر و حبس ايدوب قانونه رعايت ايتميوب مخالفت ايتديكيچون و حكومت مملكته كيدن مذكور حادملر بو عظمت و شوكت ايله هر منزله و شهره و اصل اولدقلرنده اول شهرك اهل قلمى و صاحب علمى تعظيم تمام و اكرام و احترام ايله استقبال ايدرك اول كمسه بىشهره كتوروب پادشاهه ايلدكلرى عزتى اكادخى ايدرلر و اول مامورلرك امرا و ممالكه امر و نهيلرى غايتده جاريدر و اول مامورك پاييكه برات و امرنامه سيدر نتكيم ذكر اولندى معتبر ادملر ايله كندودن ايكى اول منزل اول كيدر و اول شهر خلقى غايت اضطرابه دوشرلر و زاد و زواده و سائر امتعه و اقمشه‌لرينى اظهار و نرخلرينى ارزان ايدرلر و حرامى و مفسدلرى قاچوب متغلبه اولان حكام و سردارلر ترسان و لرزان اولورلر زيرا كه ظلمه جانبنه مال و منالدن اوتورى ميل و محابا اولنميوب جزا و سزالرى نه ايسه اجرا اولنور و اول مأمور هر شهر و قصبه‌يه كه داخل اولسه مناديلر ندا ايتديرركه مظلوملر كلسونلر و كيم ظلم ايتديسه اعلام ايتسونلر و قانونلرنده بعدا لندا اكر مظلوملر كلوب حاللرين عرض ايلمزلر ايسه كنهكار اولورلر بعده اول مأمور غمازان شهرى طلب ايدوب كندودن اول كلن مفتشدن كلديكى زمانه دكين واقع اولان ظلم و عدلى كمال احتياط ايله تفتيش