خطايى ، على اكبر
218
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
و تفحص ايدوب و كندونك دخى معتمد عليه عمازلرى واردر كه مخفى اوله رق شهرى تجسس ايدرلر و اول اجلدن كمسنك حدى يوقدركه امورى اخفا ايدوب يلان سويليهلر بو منوال اوزره مأمورلر داد مظلومى ظالمدن اليويررلر ممالك چينك اباد و معمور اولمسنك بر سببى مذكور و منتشلردر كه امانت و استقامت اوزره متصل رعايا و برايانك جميع امورينى اعلام ايدوب خاقان چينه خبر ويررلر اول جهتدن بر امور مخفى و مستور قالميوب اكاكوره نداركك ايدرلر و اول مأمور مفتشلرك اكثرى مسلمانلردر كه خاقانك عندنده اوغلندن عزيز در و مذكور لردن برينى بر مملكته حكومته كوندرسه اول تجمل و تعظيم ايله واروب برنيجه مدت حكومتدن صكره يرينه اخرى مأمور اولسه اول كمسه ينه كمال اكرام و احترام ايله منزل به منزل جميع مال و مناليله سراى خاقانيه داخل اولوب مال و جاهنه متصرف و خاقانك خاص خادملرندن اولور فصل يام ديو پوستهيه ديرلر استعجال ايله بر يردن خبر و نامه التمك ايچون بعض منازلده اتلر و قاترلر سلرلر و اول اتلره يام اسب و اول منزلخانه يه يامخانه ديرلر ولايت خطاده عادت بويلهدر كه اينده و رونده ايچون غايتده نكلف و زينتاوزره يامخانهلر بنا ايتمشلر در و تجارلر اول دياره وارد قلرنده انلرى عزت اكرامله اول يامخانهلره اينديررلر و اسباب و متاعلريچون دخى مكلف بنا اولنمش وسيع محللر اولمغله اشيالرينى عربهلر ايله اول محله چكرلر زيرا خطا ولايتنك اكثرى زمين صحرا اولمغله اسباب و تجملاتلرينى دوه و قاتره يوكلتميوب عربهيه تحميل ايدرلر و اطراف و جوانبدن اول ولايته واران تجارلر الچى رسمنده واررلر زيرا تجارت و سيرانجى طريقيله وارانى اصلا بلدهلرينه قويمازلر و تجارلر سرحد چينه يقين واردقلرنده اونرنفر اولوب بو جانبدن كتور دكلرى متاعلرك بعضيسنى خاقانه پيشكش ايدرلر و اتلرينى خود مطلق پادشاهه بركذار ايدرلر و خاقان جانبندن هديهلرى قبول اولنوب هراون نفره بر مكان تعيين ايدرلر و تقديم ايتدكلرى هديهلرى يازوب مرقوموندن اون و يابكرمى نفرينى كرسئ ولايت اولان خانبالغه ارسال ايدوب باقى فلان جماعتى اول كونلك يول چين ولايتى ايچنده كنجو اولو بر شهر اولمغله انلرى اول شهره كتوروب وجه مذكور اوزره يامخانهلره مربوط اولان مهمانخانهلره اونر نفر مسافر ويروب اسباب معيشت و سائر لوازماتلرينى دخى ماه به ماه ميرى طرفندن ويررلر و خان بالغه كيدن كمسلره جانب سلطنتدن اطلس و ديبا و تافته و سائر امتعهء زيبادن بخشش و انعامد نصكره بعد الزمان