واردر و اول قانونكه خطاى ضبط ايلمشلر ذر ديرلر كه بو طريق دين ضامكونيدركه پيغمبرلريدى و انادن طوغديغى حسينده يدى قدم يورييوب هر قد سنده كللر و ريحانلر ظاهر اولدى سوزه كلوب خلقى دين حقه دعوت ايلدكده خلق‌انى اولدرمك استيوب هجوم ايتدكلرنده اول بر طاغه اشارت ايتمسيله طاغ ياريلوب پيغمبر ايجنه كيردكده ينه طاغ قياندى و شامكونى نيجه زمان اول طاغ ايچنده عبادته مشغول اولوب و كافرلر طبشره مسنده مترصد اولديلر كه چقدقده اولدره‌لر و مذكور مدت مديده نصكره بر ارسلان صورتنده ظهور ايدوب اول خلق اوزرينه هوم و هجوم ايتدكده خلائق اندن قاچديلر اولدخى خلق بينندن چيقوب برينجه مدت غيابدن صكره‌ينه ظهوره كله رك خلقى حق اعتقاد ايتديكى ديننه دعوت ايلدى واندن چوق حوارق عادات نقل ايدرلر عاقبت خلق انك ديننه كيروب و كتابنى قبول ايدرك انك شريعتى اورره عمل ايتديلر و انك ظهورى زمانى تاريخى بو زمانه كلنجه كه سنه 990 در درت بيك ييلدن متجاوز اولوب حالا انك امتى ديننى تغيير ايتمشلر در بعضيسى بت پرست و بعضيسى افتاب پرست و بعضيسى ماه پرست و كاو ساله پرست اولوب زمان سابقده يهود و ترسادن دخى واروب اول ديارده توطن ايتمشلردر و قانون خطاى بونك اوزرينه‌در كه اطراف و جوانبدن قنغى كروه كه كلوب بزخاقان چينك تحت حمايه سنه كيروب بو ديارده ساكن اولمق استرز ديسه‌لر جانب حكومتدن اكر ابدى قالمق استرلرايسه محل كوسترسين ديو امر اولنور يوق اكر حيله ايله بر مدت اوتوروب بنه كتمك قصديله كلديلر ايسه اهل اولان انلرك مرامنى فهم ايدوب اقامته رخصت و يرمزلر و اهل اسلامدن چوق كمسه‌لر واردر كه پادشاه خطايه واروب انده متمكن و متأهل اولوب قالمشلردر و بر شهر كه كنجاقو ديرلر اوتوزبيك مقدارى مسلمانلرانده مقيم اولمشلردر و هر كروهكه خطايه توطن ايچون كله‌لر انلردن مال و خراج المزلر بلكه پادشاه جانبندن منصب و بخشش ويردلر و خان بالغكه خاقان چينك پاى تختيدر انده مسلمانلر ايچون درت جامع بنا ايلمشدر و سائر ممالك خطاده پادشاه جانبندن طقسان جامع و مسجد بنا اولنوب و هر طائفه ايچون پادشاه جانبندن يرلر و مكانلر وضع اولنوب هر كروهك بشقه مكانلرى و علامت و نشانلرى اولمغله بيتوقف واروب انده نزول ايدرلر مثنوى چون بملك چين روى اى نيك ذات * صد هزاران خلق بينى جمله مات قدمهاى مختلف بيحد و روست * همرهى را رهروى ديكر دروست هر يكى