كويد كه اسلام اين هست * هركه جويد غير اين ره گمرهست ان يكى كويد كه اسلام اين بود * هركه جويد غير اين بىدين بود باز بعضى حكمتى در ساخته * در حكمت را ثمين پرداخته باز بعضى راه خود كرده بيان * ز ره تقليد داده صد نشان باز بعضى بت‌پرست و بىخبر * بىخبر از راه دور از راهبر سربسر از ره بىراه امدند * از ره حق كور و كمراه امدند از مهيج الاسرار شيخ عطار فريد الدين قدس سره باز بعضى مؤمنان ره شدند * از طريق راه حق اكه شدند باز بعضى صادقان ره شدند * از طريق ذوق حق اكه شدند باز بعضى واله و حيران شدند * اندران دريايى بىپايان شدند كر تو اندر راه حق عاشق شوى * راه حق را انزمان لايق شوى و هركس قنغى دينده اولورسه اخر دينده اولانى تعييب و انكله عداوت ايلمزلر فقط جميع اديانك عالملرى و عاقللرى دين اسلامى تحسين و پسند ايدرلر و هر كيمكه تحت لواء دين محمدى يه داخل اولسه اول كمسنه بىهيچ بر كمسنه منع ايتميوب بلكه پسند و ترغيب ايدرلر الباب الثالث شهر و حصارلرى بياننده در و ترتيبلرى بودر كه ادنى حصارلرنده بشيوزخانه اولمق كركدر و بو حصار فربنده بر شهره تابعدر كه انك ادى هن در و اون هن بر شهره تابعدر كه اكاشن ديرلر و اون شن دخى بر شهره تابعدر كه نامى كو در و اون كو كذلك بر شهره ملحقدر كه اسمى كوتاى در و اون كوتاى بر شهره تابعدر كه چو ديرلر و اون جودخى بر شهره منسوبدر كه نامى دنك جودر و اون دنك جو بر شهره ملحقدر كه وقو ديرلر كه مصر جامعدن عبارتدر و قانون خطاى بودر كه هر قلمروده بر امين و بر مفتش واردر كه دائم تفتيش و تفحص اوزره اولوب نه يرده حصار و يا شهر بنا ايلمك مناسب و معقول ايسه پادشاهه عرض ايدرلر پادشاهدخى بنا اولنه حق محل ايچون مهندس و بنالر تعيين ايدر و مرقومون اول محله واروب شويله كشف و تحمين ايدرلر كه فلان وقت باشلنديغى حالده نقدر زمانده وقنغى اى و كونده تمام اولور كلوب پادشاهلرينه بويله خبر ويروب اكاكوره پادشاه طرفندن اوستادلر كيدوب مرقومونك مدت تحميننده تكميل و تمام ايدرلر شويله كه تحميتلرنده اصلا خطا اولمز و بنا ايلدكلرى شهر و يا حصارى مربع طرح ايدوب و ديوارلرينى طيراقدن بنا ايدرلر و برج و بارولرينى طوب طاشيله دولدروب و حصارك يوكسك بر محلنده كمى دبركى مثالنده بر ديرك ديكوب و مذكور دركك وسطنده بركيله و اوجنده برشنك شكلى وضع ايدرلركه اندن شهر خلقنه تنبيه و اعلام اولنوركو بونده بركيله تحصيل ايدوب