اولادندن پادشاهلغه استحقاقى اولانلردن برسينى تخت سلطنته كچوروب وزرا و امرا و رعايا و برايا امر و نهينه اطاعت ايدرلر و قانونلرنده خاقان اولنلرا علم خلايق اولمق كركدر و اول معزول اولان پادشاهك اولاد و انسابلرندن متامنلرى واردر و عزل سببندن جائزدر كه اول امرده حاضر اولان صاحب مشورت وزرا و امرايه انتقام قصد ايده‌لر ديو اصلا بريسن تخته جلوس ايتديرميوب رجال و نسادنى جميع توابع لوا حقنى بر حصن حصينده جمع ايدوب و اوزرلرينه ثقاتدن مؤكللر قويه دق حفظ ايدوب و طشره‌دن بر كمسنه‌يى اول جماعته جمع اولمغه قوميوب مستوقا اكل و شرب و كسوه‌لرينى على جار العاده تعيين ايدرلر تنبيه معلوم اوله كه ولايت ايران و تورانده درت مملكت واردر كه خلقى مسلمانلردر اول ملك عرب ايكنجى ملك روم اوچنجى ملك عجمستان ذكر اولنان اوج ملك ايرانده در بر ملك ولايت تورانده‌در كه ماورالنهر ديرلر و اولكه عجمده در عراق و خراساندر بوللرينك اكثرى بى اب و علفدر و اولكه ماوراء النهر در زمين فراخ و واسعدر صويى و علفى و افردر و باغ و بستانلردر و دكرمنلرى و زراعتلرى و سائر اكابكزر امورلرى اقار صوايله درود و كلى ييلاقدر تا سرحد خطايه وار نجه ولايت خطاى خود كليا زراعت اولنوب تا كنار درياى مشرقه وار نجه اصلا بر ذراع مقدارى زمين خالى يوقدر در بيان تقسيم دنيا طاغلر و شهرلر كه ميانهء دنياده در تا كنار درياى مشرقه وار نجه چكلمشدر جانب شمال دنيا طاغسز و شهر سزد و كلى صحرادر الاكوه قافك كنارنده بر دريا ياچيقوب انك بر كوشه‌سى صحراى قلماق نام ولايته متصل اولمشدر ديرلركه سد اسكندر انده در و اول يولدن زمان اسكندردن چوق اول نقل ايدرلر كه كوه قاف مخلوقاتندن انواع طيور باشلو و دوه و صكسار باشلو و سائر بونك امثالى مخلوقاتدن اول يولدن ادمى زاد شهرنرينه كلمشلر ايمش و اول يولده اولان شهرلرك اهاليسى انلرك صورتنى در و ديوار لرده تصوير ايتمشلر در و رسم و قاعدهء خطاى بودر كه هر قوم و جماعت كه هر يولدن كلورلر اول كروهك صورتلرينى اول يولده كليسالر و مجمع عظيم اولان محللرك در و ديوارلرنده نقش ايدرلر و رستم داستان سياوش قاننى افراسياب تورانيدن طلب ايجون ايراندن تورانه عسكر چكوب واردقده اول يولدن كه كتمشدر و اول يرلر كه المشدر و نه محلده كندونك و سائر جميع اوضاع و اطوارنيك صورتخا ولد يارلرده تصوير ايدوب اندن غيرى بر صورت يازلمامشدر و جانب جنوبى دنيا هند در جميع