و اتقان بنيان دين اسلام و احكام شرع سيد الانام و نيت بلند همت حسروانه‌لرى همواره عدل ساعة خير من عبادة سبعين سنة سعادتنه فائز اولوب به حمد الله هميشه حبوب نسايم عاطفتلرى ايله باغ جهان معطر و جريان جويبار رأفتلرى برله كلزار زمان تازه و تردر و سائر سلاطين ربع مسكون و وارث ملك سليمان و افريدون و الحاصل قطب الملوك و السلاطين جميع پادشاهان روى زمين اوزرلرينه بو فصل و افتخار بسدر كه جد بزركوار سپهر و قار خورشيد اقتدارلرى ليث معركه مغازى ابو الفتح و النصر بيت محمد خان باراء سنيه كه امد فاتح قسطنطنيه نثر ممدوح و مذكور سيد انبيا و سد اصفيا اولوب وارث ملك سليمان جمشيد قدر و كيوان ايوان واضح مراسم العدل و الاحسان بنم همنامم اولان مصراع شهريار تاج بخش و والى كيتى ستان نثر لردن بريسى قسطنطنيه‌يى فتح ايلسه كركدر ديوبيور مشلردر خلد الله سبحانه ملكه و سلطانه و واضح على كافهء انام الايام بره و احسانه و لازالت برايات سلطنة منصوبة على قحم الثريا و اعلام اعدائه منكوبة فى تحت الثرى صدمات نكبات كانون چرخ نكوهدن مصون و اصول دوحهء كامرانيلرى تقلبات فصول زمانى ايله امان رباليده مؤقى و مأمون و نهال عمزلرى كنار جويبار سلطنت و عظمتده برقرار اولوب قدنهاى بيشمار نامى و مغرو من و بنياد فناء دولت ابادلرى اختلال و اختلاف فناء جهان بيبنياد نامراد و چرخ محنت اباد بيدادست نهاددن سامى و محروس باد بكهيعص و بمحمد المبعوث على ارشاد العباد الى سبيل الرشاد نظم جهان در سايهء او ارميده * چو مردم در سواد شهر ديده زمين ز نيسان كه شد در را و اوخاك * سرد كر بكدراند سوز افلاك به دو دانش پلنك و رنك همراز * بهم چون عاشق و معشوق دمساز شكار چشم اهو شير پيشه * بدورش عشق بازى كرده پيشه عزاليرا اكردر جلؤ ناز * بياخارى خلد از روى اغراز ز مژكان سوزن اردشير خونخوار * برون ارد ز پاى نازكش خار چنين كز عهد اين شاه جهانكير * خراب اباد عالم يافت تعمير دل ويران مشتاقان رنجور * عجب نبود كه كيرد بيت معمور الهى تا بود افلاك انجم * امياد انام نيكش از جهان كم اما بعد بو كتاب مستطاب عنبرين نقاب خطا و ختن و چين ماچين ملوكلرنيك قانوننامه‌سيدركه زبان فارسيدن لسان تركى عذب البيانه ترجمه اولندى و اول ديارك پادشاه عاليجاه ستان سپاهلرى اصلا قانونلرينه مخالف سر مو تغيير و تبديله قادر اولميوب اكر باالفرض قصد ايلسه‌لر قانونلرى اوزره سلطنتدن معزول اولوب سلاطين عدالت اينيلرى