كلوب ينه مقاممزده قرار واقع اولدى . ( وكتاب الخطاب والنجات ) و ( عم تفسيري ) كه قاضينك أو زرينه واقع شام شريفده تحرير اولندى . واسكدارده اوچ سنه‌ده تمام اوتوز عدد كتاب تأليف قلندى . وأطرافه بحسب الاقتضاء مكاتيب طويله يازلدى . ونيجه تحريرات دخى بياضه كلدى وبو مقامده دخى خيلى كلام وارد ولكن لأجل المصلحة والستر طي اولندى . واسكدارده أولد يغمز حالده بركيجه حضرت محمد افتاده ومحمود هدايى قدس اللّه سرهما تمثل ايدوب كلوب يانمه اوتورديلرو حضرت افتاده آغاز كلام ايدوب - اشته افتاده افتاده وهدايى هدايى دييه دييه آخر سنده انلره ايرشدك - بيوردى . وبروسه طرفنه أشارت واقع اولوب سزى صاغ طرفمزه الألم دييه‌رك رمز اولندى . وحضرت هدايى ايله بعض ملاطفات واقع اولوب . لونى صفرته مائل خفيف اللحية معتدل الجثة در . وشيخ افتاده طويل القد وطويل اللحية دركه بونك دخى لونى برمقدار صفرته مائلدر . وشامده ايكن شيخ أكبر قدس سره الأطهر برقاچ كره تمثل ايدوب - شولكه خلق اكايپراق دير أو بزم يانمزده خبيث وحرامدر - بيوردى . وشيخمدن دخى مسمو عمدركه - شرب دخان ايدن نفساني وشيطانيدر - ديدى . ومزاميرك جمله سنك حرمتنى تصريح ايتدى بلا فرق بين مزمار ومرمار . وشامده اقامتم حالنده مطالب عاليه دن بر مطلب عالي حاصل اولديكى درجهء صحبتدر يعنى بركيجه بيدار واغماض عين اوزره ايكن جناب رسالت صلى اللّه عليه وسلم محازاتمه كلوب ( من تحقق اسمى تحقق اسمه ) بيورديلر . وبوفقيرى درجهء سماع وروايته يتورديلر وبو كلامك شرحي غيرى محلده‌در . ايشته خوابده كوروب ايشتمكله يقظه ده اولمق برابر دكلدر . وبو مقولة معاني غريبه‌يى أكثر أهل رسوم انكار ايدرلر آنكچون إجمال اولندى ولكن آنلرك انكارندن اوتورى بالكلية دهان بسته وجان شكست اولمق سزادكلدر . زيرا بو مقولة معانىيى تصريحده نيجه أرباب استعدادي ارشادواردر . وبو فقير بر زمان بر قاضينك مجلسنده بولنمش ايدم أو مجلسده حضرت هدايينك بعض الاهياتنه مطلع اولدقده بو سوزلردن نه حاصل دية رك انكار ايلدى . وحالا دخى نه معندلروار دركه صدق وصلاحى متعين أو لأن كيمسه لره اطالهء لسان ايدوب كزرلرو مؤاخذهء حقدن بيخبر لردر . زيرا اللّه سبحانه وتعالى اولياسى ايچون أشد غضوبدر . حضرت شبلىيه طعن ايدنلره ايتديكى غضب كبى غضب ايلر . ولكن امهال ايتمكله إهمال ايتدى قياس ايدرلر . وآنلردن برينك إلى الآن فلاح بولديغى يوقدرو إلى الأبد دخى فلاح ونجات بولمازلر : في المثل « حديد بارد ضرب » ايدرلر . ايشته اوليايى سبب وشتم ايتدرممك ايچون سد ذريعة ايدوب أهل انكار اراسنده آنلره متعلق كلامدن حذر عظيم گركدر اسرار الاهيه‌نك خود كتمى أمور واجبه‌دندر . زيرا آنك دخى كشفيله فتنهء عظيمه ظهور ايلركه « فتنة المحيا » نك برنوعيدر خصوصا كه بو اعصارك حالي بتدى وبو كار غايته يتشدى وزمام امر دست سفها وأهل إنكاره تسليم اولندى بو جهتدن يَقْتُلُونَ الْأَنْبِياءَ بِغَيْرِ حَقٍّ وَيَقْتُلُونَ الَّذِينَ يَأْمُرُونَ بِالْقِسْطِ سرى ظهور ايتدى . أولياء كبار ايله مصاهرت اولمديغى صورتده بارى محبت وارتباط له مناسبت گركدر . زيرا وارد اولمشدر كه ( المرء مع من أحب ) وديمشلردر كه ( ويل لمن شفعاؤه خصماؤه ) يعنى روز حشرده شفعاء خواص أمتي كندى نه خصما ايتمك ايودكلدر . وبلكه موجب خسارت وهلاكدر . اگر چه شيخ أكبر ومسك