المبدأ محور آمال المضحّين * والحق رائد الذات السّليمه ودين المصطفى وآله الميامين * مصداق الخطوط المستقيمة * * * لو نستقري تاريخ المظالم * من مظلمة هابيل ابن آدم إلها لساعة نشاهد أثر تقسيم * دقيق وعادل إمقسّم العالم مظلوم وجهوده إتنال تكريم * وظلوم وبالنتيجة حصّته الذّم إبعدالة خالق العالم قوانين * تأكد حكمته وذاته العليمه كل إنسان إله إبها لكون تعيين * وسنن عدل المدبّر مستديمه كل موسى بطريقه إيشوف فرعون * وكل حق لازم إيجابه له باطل وناتج هالتناحر دوم مضمون * مهما إتعدّدت بيه المداخل الحق غلّاب هذي سنّة الكون * والعالم إمسلّط على الجاهل الوقايع هاي ما تحتاج تبيين * بديهيّات مولهجة عقيمه والقرآن فسّرها لمضامين * بسياق أخباره وآياته الكريمة * * * وظليمة أهل بيت النبي المختار * مناهج رسمت إلنه حروفها الدّم گضوا كلهم وردنه عبر الأخبار * بسيوف الظلم لو غدر بالسّم لو بضلوعهم غرزوا المسمار * لو بسهام واحدهم تخذّم إشچان إلها العدة ويه آل النبي دين * وشرتكبوا إبحقهم من جريمه ذنبها إشجان عينة آل ياسين * تتمحّن إبها لمحنة العظيمة * * * ذنبها نصرة الحقّ عبر الأزمان * ولنفس الذنب إحنه إرتكبنه اقتفينه آثارهم وبروح الإيمان * لا ساعة الّلي عن ها لذنب تبنه