ضحّينه وبذلنه غالي الأثمان * لنصرة معتقدنه وكرامتنه قدوتنه أئمتنه الميامين * ونسير ابقيادتها الحكيمه وإعلة التضحية للدين ناوين * رغم الإعتداءات الأثيمه * * * رغم السّجن والتّعذيب والجور * سيّد حسن ثار إعله الطّواغيت ثورة قلم ثورة دم يشع نور * ثورة فكر ما ينتظر تصويت ثورة إمن الحسن متّخذه دستور * ومن حلمه إقتنت دقّة التوقيت إبمداده ودمّه وبساعد التمكين * طبّق دين جدّه وتعاليمه وسطّر بالجهاد أعظم عناوين * عمّه الحسن وأخلاقه الحليمه * * * شهيد الدين والأمة بذل روح * للمعتقد شفّافه وأصيله وعطر الشّرف دوم بحضرته يفوح * ولسانه لكل شهم نسمه عليله ولفقده ضمير الكون مجروح * لأن هيهات يتواجد مثيله حيث العالم اللي يأخذه البين * يثلم ثلمه بالدين ويضيمه وسيد حسن تنعاه أخت الحسين * عقيلة هاشم وتفضح غريمه * * * فگد السيد الشيرازي بالشّام * هيّج حزن بت حامى الحميّه وذكّرها بمصاب إخوتها الكرام * القضوا من أجل دين اللّه ونبيّه ومثل ما رموا نعش الحسن بسهام * فجعوا بيها كل الفاطميه رموا سيد حسن زمرة الطّاغين * بثلثطعش إطلاقة لئيمه وزينب بالذي إلها موالين * علاقتها إعله نهج الحق حميمه * * *