اونلر سزه بو سعادتك التماعاتني كوسترمك ايجون دكل ، محضا سزى كورمك ايجون كجه جككز يرلره قوشوشيورلر . اسمكزى ورسمكزى قلبلرينك أك درين يرنده صاقلايان بو خلق سنه لردن برى الك محترم برشى أوله رق صاقلا دقلرى بو كوزل اسم ورسم صاحبنك كوزل يوزينى كوره رك اونك نوريله كوكللرينى شنلديرمك ورونقلنديرمك ايستيورلر . بو امل ايله قوشوشدقلرى صرهده سزك قدر يكزه لايق تظاهر اتده بولنه ميورلر ايسه بونى اونلرك صيميتنه باغشلايا رق عفو بيوريكز .
باشا حضرتلري
وقوعات عالمك ميزان انتقادي تاريخ ايسه وقايع جاريه نك معيار تدقيقي ده انتقادات تاريخية ايله بيرايه دار اولان أذهان منوره در . بر مؤسسهء عرفانك سركارنده بولنان ناجيز بر تعقيبكار حادثات أمم صفتيله تاريخك سزه ويره جكي عنواني دوشونيور وبوكون ايلك دفعه أوله رق سزه ومواجههء اجلا لكزده بولنان بيوك جمال باشا حضرتلري ايله ايكي أوج رفيق ممتاز يكزه تاريخك ويره جكي عنوان ايله بو دولتك محيي ومنجيسي صفتيله خطاب ايتمك ايتسيورم . وبونكله ، بو خطاب ايله أك صميمي قناعت عرفانمي تجلى ايتدير يورم .
اوت محيي ومنجئ دولت ، جونكه سزاولماسه يديكز ، سزاك باشده اورته يه اتلمسه يديكز بو دولت قورتولامازدى بو بيوك بو عصر ديده دولت بو يكانه إسلام حكومتي ورطهء اضمحلاله دوشيوردي سزيثتشديكز عزم وهمتكزله ، دميردن الكزله اونى طوتديكز وأنشأ للّه قورتارديكز .
الرحلة الآنورية إلى الأصقاع الحجازية والشامية — صفحة 171
مساهمون: محمد كرد علي
ص١٧١