ناصيه سي اجيق بر مرد اوغلي مرد أوله رق كنديني كوستر ييور بتون بونلر بيك درلو دوشونه رك بردرلو أيش كورمك ايسته ين أرباب فكر ومتانتك محصول غير تيدر .
بزه بو كونلري كوسترن بو مظفر يتلرى ادراك ايتديرن أرباب حميتدن ايكى ركن عظيم ومبجلك مواجههء ذي شرفنده حسيات شكرانيه مزى اظهار ايله غرور وسرور ومزى اعلان ايدر وناموس وشرف ميدانلرنده فداكارانه جان ويرن شهداى مكرمه مزك روح بر فتوحلرينه بو مجلس معلادن فاتحه لر اهدا واتحاف وشانلى غازيلر يمزه تقدير وشكرا لمرايصال ايله قهرمان متفق اردولرمز ايجونده باركاه صمدانيدن قطعي مظفر يتلر نياز ايلرز . يشاسون بيوك ولا يزال عثمانليلق ! يشاسون باش قوماندان اقدسمز خليفهء معظم ومفخممز سلطان ( محمد رشاد خان حضرتلرى ) ! يشاسون شانلى وقهرمان متفقلريمز !
عبدي توفيق بك أنور باشا حضرتلري حقنده تنظيم ايلديكي منظومهء قدوميه در :
اى نورنه رونقلى صفاى سحرك وار ! * بك سو كيليسك ، ديده كبى رهكذرك وار !
مفتون خصالك بوقدر بنده لرك وار ! * تشريف بيور ! باشمز اوستنده يرك وار !
كوستر بزه ديدار كي اى قائد أكبر !