متعدده اوزرينه بناى مسالمت اختتام و رشتهء مخاصمت انفصام بولدقد نصكره شجرهء صلح و صلاحدن حاصل و انتفاعى طرفينك رعايا سنه شامل اولان ثمرهء تجارت احوالى مذاكره سى خلالنده نمچه ديارنه شد رحل تجارت كرزان اولمريله بعض مخاوف و مهالكده عرضهء انواع شدايد و متاعب و هدف اصناف مضار و مصائب اولملرندن ناشى هر بار تجار ايرانيك اول دياره وصولى قرين حصول اولد - يغندن امتعهء ايرانيك اول بلدان ده ندرتى و اهالى سنك مضايقه و ضرورتى اولديغى بيان و بو خصوص دخى دوستلقه بناء چاسار مشار اليهه ايله نظام وير يلان تجارت امورى عقدنده بعض شروط ايله انتظام بولمسى بابنده استيذان اولندقده الحب يتوارث مدلولنجه جناب اخوت مآبكز ايله بينمزده آباء امجاد و اسلاف عالىشان بهشت معاد دن منتقل و موروث تحاب و توادوك تاءكد و ازديادى جايگير ضمير منير خسروانه و منتقش خاطر عاطر صفا مظاهر ملوكانه مزا ولمغى قرين رضاى ميامن اقتضاى خديوانه مزا ولمغله ممالك ايراندن طواف بيت الله الحرام و زيارت روضهء مطهرهء فخر الانام عليه افضل الصلاة و السلام ايچون زامله بند عزيمت اولان قوافل حجاج و زوار و ساير سوداگران و تجارك اگر اقطار و حجازيه و اگر ممالك محروسه مزدن اولان ساير محل لرده حفظ و حراست و حمايت و صيانت لرنده اهتمام اولديغى كبى چاسار مشار اليهه ديارينه ذهاب و اياب مراد ايدن تاجران ايران آمد شد لرنده قرين امن و سلامت و گرانبار رايحهء تجارت اولوب قطعا بر فرده ممانعت اتما . . . اوزره وزراى عظام و ميرميران كرام و امرا و ساير گماشتگان مرز و بوم دولت عظمى مزه اوامر عليهء قضا مضا مزايله تنبيه و تأكيد النمش و رسيدهء مسامع ابهت مجامع شاهى لرى اولمق كركدر كه مقدما رو شعارنده عباس نام بر شخص غريب الاطوار ممالك فسيحة الاقطار مز داخلنده اولان بحر سياه تجارى مرا كبندن بر سفينه سوار و آستانهء سعادت مدارى مزه كلوب جناب رفيق لرينك صنو شقيق و برادر شفيق لرى اوزره رفع رقعهء رعايا ايلديكى وزراى عظاممز وساطت لريله حضور لامع النور پادشاهان مزه تلخيص و انها اولندقده شنشنهء كريمهء عثمانيه و سريرهء مرضيهء خاقانيه مقتضا سنجه بر جاى منا سبده ايوا و لوازم نوازش و مهماندارى ايفا اولنوب تفقد حال و تبيين احوال صدق و كذب احتمالنه توجيه بال و تفحصى مناسب اولان كمسنه لردن بو احوال تتبع و استخبار قلنمق خلالنده مزبورك ادعاسى محض لاف و عين دروغ و گزاف اولديغى ينه كندى ياننده موجود و مجتمع اولان اتباعى طرفندن شيوع و اشتهار بوليجق تقديم پاداش كردار ناهنجارى خوفيله خفيه سيواس ايلى طرف لرينه رهگراى فرار
اسناد ومكاتبات سياسى ايران ( از سال 1105 تا 1135 ق ) ( فارسي ) — صفحة 159
مساهمون: عبد الحسين نوائى
ص١٥٩