دعوات مستجابه كه نفحات اخلاصى تنسم نسيم
ادْعُونِي أَسْتَجِبْ لَكُمْ
[ 3 ] ايله مشكبيز و شايع و لطايف لوامع تحيات مستطابه كه انوار اختصاصى
إِذا حُيِّيتُمْ بِتَحِيَّةٍ فَحَيُّوا بِأَحْسَنَ مِنْها
[ 4 ] مطلعندن درخشان و لامع اوله
دعاهايى كه بر لب نارسيده * نويد فاستجبناها [ 5 ] شنيده
تحياتى كه بىآن نيست روشن * خروج از عهدهء فَحَيُّوا بِأَحْسَنَ [ 6 ]
تقديم مراسم اعزاز و تكريم ايله اتحاف و اهدا قلنده نصكره ضمير منير تابناك و ذهن و قاد در اكلرى كه مرآت عرايس صور حقايق و جلوهگاه ابكار اسرار دقايق در معروض حفا و حيز خباده اولميه كه بوندن اقدم جانب جناب معالى مآب لرينه نگاشتهء خامهء تبشير قلنديغى اوزره حضرت مولاى نعم النصير توفيق و تيسيرى ايله موره [ 8 ] سفرنده زمان يسيرده فتح و نصرت كثير حصولپذير اولدقده عمدهء ملوك نصارى اولان نمچهچا سارى [ 8 ] دولت ابد مدت مزايله مسالمت اوزره ايكن بر داعيهء غيرت نصرانيت نقض حبل معاهدت و ونديك دوژى [ 9 ] و جمهورى له عقد زنار موافقت و معاضدت و اتفاقا طرح اساس مخاصمت ايتمكله جناب جلالت مآبم دخى اظهار حميت دينپرور خديوانه و اعمال همت بلند رتبت پادشاهانه ايله تائيد ملت بيضا و تقويت شريعت غرا ايچون برقج سنه دن بر و بحرا برا ابطال رجال و آلات و ادوات حرب و قتال ايله مشحون و مالامال مراكب جاريات كالجبال السائرات تسيير و ارسال و برا دخى طرف طرف استيناف اهبه و عباد موفوره و احتشاد صنوف اجناد غزا اعتياد غيرى محصور ايله تحريك رايات نصرت غايات . . . اعلام ظفر انجام قلنمغله نواير جنگ و جدال و امواج بحار قتال تلاطم و اشتعال و الحروب سجال مالى طرفينه قرين حال اولنوب و بعون الله الملك المتعال نيچه سنين و سال بومنوال اوزره هر طرفه ترتيب عده و عباد و تجهيز جلاد جناد ايله اقامت غزا و جهاد دن دولت عليهء ابد اتصال مزده فتور احتمالى خيال محال ايكن دولت عليهء ابد پيوند مزايله مصالحه اوزره اولان انگلتره قرالى و ندرلانده قرالى ، استاتى جنرال لرينك توسط لرى ايله اتفاقا مسالمت . . . رغبت و جنو احلرى ظاهر و متحقق اولمغين ودايع رب الانام اولان رعايا و زيردستانك آرايش و اطمينان و آرامش ارام لريچون
وَ إِنْ جَنَحُوا لِلسَّلْمِ فَاجْنَحْ لَها وَ تَوَكَّلْ عَلَى اللَّهِ
[ 10 ] حكم شريف حكمت اشتمالنه امتثالا جانب معالى مناقب خسروانه مزدن دخى رعيته و عقد موادعيه رخصت خديوانه مز ارزانى و عنايت قلنمغله انشاء عقد مسالميه تعبير اولنان وكلاى طرفين و متوسط لرينى بالدفعات بر محل مناسبده مكالمه و مذاكره لريله مقتضاى وقت و حاله شرايط عديده و مواد