فَاحْكُمْ بَيْنَ النَّاسِ بِالْحَقِّ
« 1 » فحواسى او زره مالك ممالك عدل و داد
وَ جاهِدُوا فِي اللَّهِ حَقَّ جِهادِهِ
« 2 » امر لازم الامتثالى او زره سالك مسالك غزا و جهاد ايدوب
إِنْ تَنْصُرُوا اللَّهَ يَنْصُرْكُمْ
« 3 » فحواى شريفى دائما انديشه مز و مقتضاى لطيفى ايله عمل هميشه كار و پيشه مزاولمغله شمشير ظفر قرين مزى دفع كفار و مشركين ايچون سد آهنين و گرد سرحد ممالك مسلمينه حصن حصين ايتمكله ايام دولت روز افزون مزه ثبات و دوام و سلسلهء سلطنت همايون مزه ابد الدهر استقرار و استحكام و يردى جل من لا يعد نعماؤه و تقدست ذاته و اسمائه ، عالى حضرت معالى منقبت سامى مرتبت گرامى منزلت ، مسند نشين اقليم ايران ، حامى فارس و مازندران ، فرماندهء ملك عجم ، شاه صفى دام منظورا بعناية ربه الوفى حضور مصافات ظهور لرينه دعوات صافيات و تسليمات وافيات اتحاف و اهدا سندن صكره انهاى مسالمت انتما بودركه عتبهء عليهء گردون وقار و سدهء سنيهء عالم مدار مزه ، عين الاعيان ، محمد قولى ، رزقت سلامة ، وساطتى له نامهء خلت ختامه لرى و اصل اولوب . خلاصهء فحواى بلاغت احتواسى و جعل بينكم مودة آيت الفت عنواننى تفسير و بيان
وَ أَلْقَيْتُ عَلَيْكَ مَحَبَّةً
« 4 » كريمهء كرامت نشاننى تقرير و عيان ايدوب صراط مستقيم مصافاته مهتدى و شيمهء كريمهء قد مايه مقتدى اولملريله طالب صلح و صلاح و راغب فوز و فلاح اولوب بالفعل وزير اعظم جليل المقدار و جانب شرقده سردار و سپهسالار مز ، اولان دستور اكرم ، مشير افخم ، نظام العالم ، ناظم مناظم الامم ، مصطفى پاشا ، ادام الله تعالى اجلاله يه كوندر يلان و كيلكز عمدة الخواص و المقربين صاروخان زيد رشده زهاب نام محلده ملاقى اولديغندن انتظام امور صلح و عهود و تنفيذ قضاياى قطع حدود خصوصى مطارحه و مكالمه اولنوب بغداد و آذربايجان سمت لرنده اولان سنور و حدود دن : چشان و بادرانى نام محل لر جانب همايون مزه متعلق اولوب .
مندليجين قصبه سى و درتنگه وارنجه كه در تنگ سرميل نام محل سنور تعيين اولنوب ما بينده اولان صحرا لريله جانب همايون مزه اولوب و ياننده اولان طاغ اوته طرفه قاله و درنه و درتنگه سنور تعيين اولنوب جانب همايون مزه اوله و جاف عشيرت لرينك ضياء الدين و هارونى تعبير اولنور قبيلهلرى طرف شريف مزه اولوب ،
هامش
( 1 ) - سورة ص 26
( 2 ) - سورة الحج 78
( 3 ) - سورة محمد 7
( 4 ) - طه 39