داخل اولدوقده مراسم مهمان نوازى رعايتنده بصكره هجريهء نبويه عليه افضل الصلاة و التحية تنك بنك قرق طقوز سنه سندن واقع اولان محرم الحرام عظم الله قدره بين الانامنك اون دردونجى گونى بيروقت خرم و ساعت ميمنت توام ابدى كه اردوى همايونده اولان وزراى عظام و مير ميران عالى مقام و امراى كرام و آقايان ذوى الاحترام وينگچرى آقاسى و اولان بلوك آقالرى و ساير كبراى عسكر و عظماى لشكر ظفر پيكر ايله ديوان عالى اولنوب مشار اليهما وكيل معتمد عليه سارو خان و ايلچى محمد قلى بيك ديوان همايونه كتوريلوب بالمشافهه نظام احوال فقراى رعايا و انتظام حال ودايع خالق البرايا ايچون طرفيندن ترتيب اولان مقدمات صحيحهء معاهده بو و جهله نتيجه بخشاى مشكل حسن قبول جانبيندن ابراز اولنان حجج و براهين قضاياى صالحه بونوعله ممضاى قلم اجابت شمول اولمشدركه بغداد ولايتنده جصان و بدره و مندليجين و در تنگ و در نه سعادتلو پادشا همزه متعلق اوله مندليجين دن در تنگ واريچه صحرا اولان محللر بوطرفدن ضبط النوب داغ شاه طرفيه متعلق اوله و در تنگ ايله درسه سنور سرميل نام محل تعيين اولمشيدر و جافيك ضياء الدين و هارونى سى پادشاه گردون وقار حضرت لرينه متعلق اولوب هره و ردونى شاه طرفنه قاله و زنجير قلعه كه داغنك قله سنده واقع اولمشدير يقلوب طرف غربنده واقع اولان كويلر جانب خداوندگاردن و طرف شرقنده اولان قريه لرجانب شاهدن ضبط اولنه و شهر زور فرسده ظالم قلعه سنك بالا سنده اولان داغنك قلعهء مزبوره ناظر اولان طرفى جانب پادشاهى دن و قلعهء اورمان توابعى اولان قريه لرايله طرف شاهندن ضبط اولنه و شهره زور چغان كودكى سنور اولوب قزلجه قلعه و توابعى جانب اشرف شهنشاهى و مهربان و توابعى طرف شريف شاهندن تصرف اولنه وان سرحد نده قوتور و ماكو و قارص جانبنده مغاذ برد نام قلعه لرطرفين نقدريله مواد مزبوره معتبر دن ماعدا آخسقه و قارص و وان و شهره زور و بغداد و بصره نك ساير سنور لرنه داخل اولان قلاع و بقاع و نواحى و اراضى و صحارى و برارى و تلال و جبال مادام كه شاه حضرت لرينك طرفدن و تعرض اولميوب ايقاظ فتنه باعث الاجق بر حالت موحش صادر اولميه بوجانب دن داخى سعادتلو و عظمتلو پادشاه مزبور صلحى مقبول توتوب طرف همايون لرندن خلاف عهد و ميثاق اول طرفك سنور لرى داخلنده اولان محل لر بوجانبدن تعرض اولميوب اطرافند نك تجار و ابناء السبيل كلوب كيدوب دوستلق اولمغچون اهشو وثيقهء انيقهء مشتملة الحقيقة وكالت عامه و نيابت محققه حاضر موجبنه كشيده
اسناد ومكاتبات سياسى ايران ( از سال 1038 تا 1105 ق ) ( فارسي ) — صفحة 33
مساهمون: عبد الحسين نوائى
ص٣٣